點幾兩點先瞓，早上五點起身,，坐船去Sipadan island
1st dive drop off: Palau resort 無乜野睇．DM唔知係懶，定唔熟識環境，無乜點帶我地去睇野．附近0既廿幾米深個龜洞都無去到．一個DM 帶成十人，除咗我地，仲有另外兩隻船0既diver，太多人啦．28/3
澳門機場坐Air Asia airline－＞亞庇 Kota Kinabalu (KK)
入住Marina court 三房一廳有厨房
29/3
呢兩日都係度Me Me More More執行李．明天由澳門機塲出發沙巴潛水，行神山．５／４返澳門．不過睇天氣預報，沙巴0既天氣唔係咁好．希望唔太差啦！仲有希望行神山唔會有高山症！我第一次自由行就係去沙巴，係我 favorite trip 之中．今次第二次去，希望一樣咁正！
已經交咗稅，保險準備好，去澳洲買0既野都買齊....架電單車轉名俾 Leo,今日應該係今年最後一次楂我部車．去澳洲前仲有一星期時間陪屋企人，同朋友gather．繼續我0既 tight schedule．
（繼續執行李）
朝早六點起身，落著雨．搭巴士返工，點知唔記得帶銀包．好彩巴士司機好好人，順利返我最後一日工．午飯同返屋企0既車費得小環相助
．今日同平時一樣，返工一樣He He Ha Ha，一樣咁忙，分流0既鐘繼續響過不停，我0係條走廊暴走，繼續遲放工．
每次放大假，我都會同朋友出外旅遊．自己一個人去旅行，我從來未試過．去澳洲工作旅行，決定得好快．準備0既時間唔多．有時我會驚，怕自己應付唔黎．我知道好多人會擔心我．我份人粗心大意，無乜記性，論論盡盡．唔見野，我都習而為常．去旅行唔見車飛，手信等，出門口唔記得瑣門．．．無乜方向感，係路盲，無乜安全意識，傻下傻下．經常肚瀉，傷風感冒．餸又唔識煮，無乜planning咁．．．
交咗辭職信，總護士長，同我傾兩句．佢覺得我好傻，一個人去旅行唔悶咩？有時我都質疑自己．點解要自己一個女仔去澳洲？有份穩定0既工，有班好同事，0係香港有屋企人錫，大班朋友陪我玩．搞到媽咪又擔心......雖然你地會覺得我好勇，但我都有怯0既時候．
呢排都忙著為澳洲之旅準備，買野，搵資料，同朋友聚聚．尋日申請咗個國際車牌．遲0的交定下年0既稅．仲諗緊保險點買好．．．好煩，有壓力，好累．
睇咗好多網頁，旅遊人生0既 Forum提供好多有用0既資料．當中有唔同人澳洲工作假期0既故事．其中推介兩本書：”浪蕩澳洲３６５天”，”小女鞋，大背囊”．
澳洲working holliday每年有成一千個名額．咁多人都去過，佢地得，我諗我都得 0既．希望唔會好似亞媽講：”搞唔掂，咪買機票提早返香港．”有0的人去度，好適應澳洲0既生活，有人得個"做"字，有人為搵工，為生活而徬徨.....我又將會有一個點0既故事呢？點解要一個人去旅行？未做過，永遠唔知結果．唔想第時後悔，我選擇去試！
到 Kaleen 0既舞蹈學校參觀．成千尺0既舞蹈室，我無諗到咁大規模架．
泉同我坐係counter．睇下Kaleen教學生跳舞．興趣同時係自己0既職業，多好！
我地三人拖完地後，出發尖咀一壽司(晚上10時後，壽司刺身半價)．
Kaleen成為我第二位電單車乘客．乘客comment：”好似坐緊 IQ 博士，草菇妹妹架電髮車咁．”一黎我唔熟路啦，二黎感覺責任重大．起初我唔敢載Kaleen的，Kaleen叫我唔使驚．原來我可以做到的．
抱歉學校剪綵開幕同你地0既重要日子，我唔係香港．祝業務蒸蒸日上，你地開開心心！
三月尾會飛去馬來西亞沙巴潛水，行神山．要 Training 啦！
駕電單車由大埔出發西貢，第一次0係 highway載人．乘客當然係我細妹 ester．可能Ester輕啦，有時都感覺唔到佢0係我後面．佢話我都楂得幾穏
．
路線：北潭 凹－＞蚺蛇尖－＞大浪西灣－＞赤徑－＞北潭 凹
鍾意水清沙幼0既大浪西灣．有唔少外國人，有人滑浪．希望可以係澳洲學滑浪，滑下沙，騎駱駝，親親海豚，觀鯨．．
