Day 17甜品

 早餐0既雞翼好好味!

今日賣過好多野.首先係好難推0既粥車.跟住甜品車,五樣大點:杏仁豆腐,芒果布丁,芒果pancake,馬豆糕bean & milk cake同蛋散.中點:芝麻卷,椰汁糕,紅豆糕,糯米糍,啫喱等.主打係豆腐花同芒果西米露,車仔細細最好推.姐姐亞頭話我0的豆腐花片得唔好.我宜家至知點解要片,唔好”筆”.臨尾仲賣埋特點0既餃,仲有糯米雞.
問Ruby尋日放假有咩搞作.佢平日同放假都係去下睹塲.用一蚊玩老虎機.係悉尼三個女仔住一間房,每星期每人要比$115房租.佢覺得收入太少.諗緊幾時離開悉尼,揾農塲工.
我建議佢周圍去下啦.今日我去咗Parliament House同Custom House.Custom House Ground Floor 玻璃地板下面有個Sydney模型.由Harbour, Opera house 至Central station.呢個小型悉尼就係我腳下,好得意.一樓同二樓有圖書館.悉尼有幾個圖書館.呢度主要有日本同韓國讀物,漫畫都有.仲有旅遊書,non resident要比錢做member先可以借書.上網呢,我login到 blog, email就唔得.
晚上朋友同我去睹塲.因為今日大抽獎,人好多,好熱鬧啊!離開,行到Pymont bridge.原來條橋有時會schedule或有大船過個陣,條橋會連橋上Monorail車軌分開兩條.我地問橋上工作人員,條橋幾時會schedule會開.佢答十五至二十分鐘後可能會.不過我地等咗陣, 見條橋咁耐都無截人,又夜,返屋企.唔知第時有無機會睇下.

Day 16 Again and More

 尋晚洗碗,攞起條碗布,有隻蟑螂走出黎.雖然呢度0的蟑螂細隻,係朋友家經常出沒,但我都嚇一嚇.今早返工,如常裝飯,可是載飯殼個盛器浸住隻蟑螂.中五那年暑假在餐廳做過暑期工.我知道有時厨房環境,準備食物,或者煮0既過程唔乾淨得去邊.所以眼不見,為乾淨.見到,就當自己睇唔到.

今日返工遊魂.煎腸粉時,想落油,點知落咗豉油.快快手,搞掂佢.總之經理見唔到,就得勒.今日同之前都有同事問我:”返得咁密,唔使上堂?”我話佢知,我係working holiday visa過黎.佢都唔知係乜.呢度工作0既,,一係長工,一係學生.今日同個學生妹妹傾.佢黎咗澳洲幾個月.high school 學費八萬幾人民幣一年.佢係大陸讀書.唔使打工.宜家又要讀書,又要做兼職.不過爸媽要佢黎澳洲讀書,無法啦.

由於三點放工.好多museum收4或5點.我唔去得太遠.去返Hyde Park入面ANZAC MEMORIAL.

因上次去0既時候ANZAC DAY,唔入得.原來ANZAC for Australian and New Zealand Army Corps. Hyde Park 好多人係草地上午睡,真舒服!行行下,之前面試0既老人院通知請我.下星期三orientation day.

本來想去Parliament House,因為書寫開放至五點.點知到4p.明天一點有免費lunch tour,可惜要返工啦!圖書館

隔離係Parliament House
->Sydney Hospital
->the Mint
(以前係醫院南翼,又曾經係造幣廠.以家變咗做café,放咗件造幣機器.->Hyde Park Barracks Museum
由Barracks Museum 影出去Sydney Tower 可以玩Skywalk

day 14 Go!糕!糕!

 一開波煎腸粉,個客想煎脆0的.煎咗好耐,我咪較大個火囉.煎好我較返細個火,不過為時已晚.又燶又煙.姐姐亞頭叫我推埋一邊,幫我搞掂.如果比經理見到,我諗佢會好似我架點心車咁,出晒煙.我唔敢再較大個火啦,慢慢煎.一邊煎,一邊同0的客傾偈.我問個住係英國0既華人,蘿蔔糕0既英文係乜.”turnip”佢仲糾正我0既讀音..之前有個女仔問我0的馬蹄糕係咪chestnut.但我上網查chestnut係栗子.之前問同事,佢地都係唔識0的點心英文,可能因為講廣東話0既客比較多.返屋企問朋友,佢教我馬蹄係water chestnut.煎腸粉係pan fried rice roll.白蘿蔔Radish.

另外呢度0的點心乜點打乜點,死記.窩貼賣$8.5.頂點0既蝦腸都係$6.5.炸0既野都貴.無料煎堆大點.咁我不如食個有奶黃0既菠蘿包,或者蛋撻,.都係小點.朋友今日帶咗我部相機黎飲茶.可惜佢好遲黎,我送咗兩碟點心比佢後,要去洗茶壺.有機會,叫佢再黎飲茶,幫我影相啦

返工前我去郵局攞由香港speedpost寄黎我0既nursing certificate.放工legal center揾個Justice of Peace幫我chop印,証明我0的certified true copy.如果係香港澳洲領事館一個chop$120.揾律師就$500十個.家陣係澳洲,好好利用呢度0既免費service.

Day 13 又出糧啦！

 今日同同事吹傾兩句,佢係悉尼讀緊Master,黎咗一個月左右啦.其他學生哥,開學啦,無咁多時間返工..我黎緊個 星 期,除咗星期六,日日都要返工. 今日出糧,五日人工＄１８０．另外今日$3 tips.計計黎澳洲收入有$244.支出$205.85.有少少積蓄喎.因為係朋友度住,慳返租啦.平時返工,前後都包食.最大0既開支,都係同朋友出街食..諗落宜家咁都幾好.一日返四小時,無乜壓力0既工作.放工之後,可以周圍行下.有時間睇下書,上下網plan 下trip等.

放工去Paddy’s market同 market city行下.我平時以為Green pepper呢度叫 capsicum.魷魚calamari. 0係香港,唔會留意,因為唔會用.家陣乜都睇一餐.

收工行返屋企,發現有間批發/零售點心0既鋪頭,正當我睇緊佢點譯0的點心名.有個鬼佬搵我幫手,因為佢同電話入面個中國女人溝通唔到.我仲帶咗佢去約會0既地方.之前唔少澳洲人幫過我,今日我都幫返個悉尼鬼佬啦.

跟住行咗去wakeup(一間幾靚0既hostel).睇下個notice board. 有Job,搵旅行buddies, 揾人share油費去Brisbane/ Darwin.或者第時呢0的資料我都用得著哩.

初初黎 到會好擔心.現在漸漸適應了吧.

Day 12放工後0既節目

 返工問Ruby,結果佢唔做那份只得一星期0既農塲工.我地繼續一齊賣住點心先.收工去圖書館.我通常都係睇旅遊書多.見到兩本Tasmania0既書.景實在太靚啦!唔知幾時我會去Tasmania呢.圖書館隔離係parliament house.跟住係sydney hospital.

Sydney hospital 入面有個nightingale museum Tue open AUD$5入塲.之後去Gallery Victoria商塲0既書店.睇下教鬼佬學廣東話0既書,0的拼音好搞笑.可惜教酒樓點心英文教得好少.
澳洲好多美食.第一天朋友請我食lebanese candies.之後又食過 武藏日本菜,食過steak.
今晚我地去the rocks一間叫 caminetto 意大利餐廳.

鍾意聽樹琴加結他0既意樂.Sydney hospital 舊址係the rocks,所以有條街叫nurses walk,一條shopping 0既街.

對我黎講比較貴0既一餐.不過我明天出 糧啦!Yeah!

Day 11 ANZAC DAY

 尋晚瞓覺聽到樓下0的醉酒佬嗌.今早出街,見警察同司機做酒精測試.酗酒係澳洲都幾嚴重.尋日面試0既院舍,有院友五十幾年歲酗酒搞到神經受損.澳洲0既dark side.

行去Hyde Park途中見到著住軍服0既人.因為今日係93rd ANZAC Day,同世界大戰有關的.

Hyde Park有典禮同巡遊.海陸空軍,情報科,交通/醫護/心理支援等,好多團隊.有0的觀眾會拍手,say thank you等,向軍人致敬.

我鍾意歐洲同澳洲0既公園,因為可以踏/瞓草地.可惜今日又落雨,草地濕濕地.

Day 10 interview in Mona Vale

 凌晨一點半左右,瞓瞓下,收到Ruby電話.佢同朋友早上會見agent,有份農塲工係sydney同 Melbourne中間,不過只做一星期.所以我無跟佢地去,但好開心,佢地關照我.早上八點半,酒樓姐姐亞頭打比我,問我可唔可以返工.不過今日要見工.

第一次係悉尼搭巴士.schedule time 1255,但架巴士遲咗成十五分鐘.坐我隔離個八十六歲伯伯好好人.佢叫我可以小睡片刻,差唔多到站提我.一小時0既車程,沿途同伯伯傾偈,睇下風景,其中經過個沙灘.後座有位女士亦好慷慨咁比咗份巴士時間表我.就到站,伯伯同車長提我落車.

面試地點George Mockler House

,宜家有廿六位院友.最多住廿八人.環境好舒服.院友都行得走得.
參觀院舍,面試,填表等,逗留咗兩小時.因為要send我0既visa information去人事部.家陣等消息.明天公眾假期ANZAC DAY,跟住已經係星期六日.希望快0的有消息啦.
落大雨,離開Mona Vale 回city.塞車,車上好多人.明天無工返,我又搵工.去同樂軒(聽講港姐潘之莉係老闆娘,同埋呢間酒樓0既點心最好食喎),味千拉麵,Market City0既中國大酒樓.結果唔請人,放低resume,晚市唔請人,都係請人做11a-3p.

So 睇下有無電話搵我開工/諗下明天去邊度玩/搵工.

 

Day 9 Darling Harbour

 開始同同事熟起黎.之前兩日食早餐,都剩係聽佢地講.宜家返工,放工都有偈傾.經理今日又無催我賣點心喎.係咪佢今日心情好呢?我心情就好好.開工人客少.姐姐亞頭教我同Ruby煎釀三寶,京都骨係咩點,點比法.唔同配搭,又同計法.哈!我覺得都幾難記.已經唔記得啦.因為今日我0既主打同尋日一樣.尋晚上網温0既生字.今日都用得著.開始同0的客吹水.今日客人比尋日多.我車點心都賣得好快.

放工行去Darling Harbour.沿途有個Chinese Garden,要入塲費的$6.行行下,有街頭雜技表演.今日又落過雨黎,加上我自拍好差.或者0的失敗之作放係facebook la.好彩有個韓國人車承原seungwon cha幫我影相.

我地仲一齊去咗National Maritime Museum同Star City Casino.新member有張十蚊voucher.我玩咗個類似幸運輪0既野,無咗.係限定0既時間內,會員每日可以有一次機會,擦咭參加lucky draw.又比我擦中.可以上台玩個巨型幸運輪.中咗張十蚊voucher. 玩Black Jack, 我廿一點.送個張十蚊voucher會收返.所以我贏咗十蚊.同韓國人朋友行過Chinatown.

Say Goodbye to my lucky star.今日玩得好開心!識到新朋友仔.第一次玩table.

明天同後日都唔做返工.明天我會去面試carer.朋友介紹的.另外之前收到email,nursing agency通知我打電話比佢地安排面試.咁我見咗朋友介紹呢份先算啦.今日亦收到電話另一間nursing agency電話,不過佢地係Darwin架.咁等我會去Darwin再call 佢地啦.
可以遇到唔同0既人,識朋友,做唔同0既工作.好玩哩!

day 8 visit Sharehouse

 是日點心：

小點：菠蘿包，蛋撻
中點：叉燒餐包同叉燒酥
大點：榴槤酥，老婆餅，皮蛋酥，西米布甸，雞批

之前架點心車個火太細,吹熄咗.跟住又較得太猛.手盪傷小小.呢架車比腸粉架車難推.推推下覺得左邊大肶有0的痛.不過宜家無野lu.今日我賣剩好多野.經理當然黑面,不過佢除咗同0的客傾偈打招呼,成日都面目猙獰,吹我地sell野.其他同事都好好.尤其係姐姐阿頭,有個同事都問我做得慣唔慣.
放工,我八八卦卦想睇下同事Ruby(佢都係同我一樣working holiday visa過黎)間share house.雖然佢房東列咗其中一個restriction係唔比帶朋友去.但Ruby都帶咗我上去.入到房,有同Ruby一齊黎0既朋友,另外仲有個韓國女仔都係working holiday visa holder.好開心可以同佢地傾下係度0既生活.Ruby0既朋友係富麗宮0既姊妹酒樓富豪賣點心.$10/hr.不過sell野就比富麗宮大壓力0的.聽講0的留學生做侍應都係得$8/hr.我地都唔算少架啦.但一日做四小時,實在好難維持生活,又occupied咗好多時間咁.韓國藉roommate搵到份一日做七-八個鐘,澳洲人開0既餐廳.傾完出廳望望.間屋3 bedroom,廳用屏風間開一角租比人.今日見識朋友講0既擠迫shareroom.之後去酒樓”同樂軒”問下請唔請人啦,可惜經理落咗塲.聽過有酒樓請night shift 做到4am.不過朋友怕我咁夜自己一個女仔行返屋企危險.
賣點心又唔係太辛苦0既.只係想搵多0的補貼下0的旅費.不過Working Holiday都係一個holiday ma.我暫時又無諗住打三份工黎儲錢喎.工我會繼續搵.睇下黎緊我仲會做0的咩工?uncertainty有時令人害怕,擔心,但同時帶黎驚喜.

Day 7 第二天工作

 今朝十點半返到酒樓.早餐有菜,鴨同排骨,白飯任裝.平時酒樓只開五樓.星期日就四五樓都開,尋日我就兩走兩層.今日無尋日咁忙,不過時間都係好快過.尋日臨收工就抹車,今日就洗茶壺.同我一齊洗茶壺個女仔都係working holiday 過黎架,佢黎咗兩星期左右啦.大家一邊洗,一邊傾.佢都怕搵埋都唔夠洗.咁我同佢比,我都好彩0既,起碼我係朋友度住,唔洗比租洗啦.宜家有工返,又無乜錢洗,主要都係食,有錢剩.可以搵多份part time,或者搵到full time 的話,可以儲多0的錢.

唔係好識0的點心0既英文係咩.尋晚上網睇過下.今日聽到同事賣炸魷魚鬚.嗌咩 kamarali 定 karamali.真係賣點心都唔簡單.英文同普通話都唔係好聽得明.收工走去supermarket 買野,順便睇下0的野食0既英文係乜.真係忽然好學.不過年紀大,本身又記性唔好.記得幾多得幾多啦.

以為每日出糧,原來逢星期日先出糧的.今日照樣係$3 tips.夜晚同朋友出唐人街食飯個陣,收到酒樓姐姐電話,提我明天返工. 我記得0既.明天又繼續我0既工作.

Day 6 第一天工作:賣點心

 朋友話我開工個間富麗宮酒樓,徐子琪就係個度擺酒.有兩層.

返十一點,我早兩個字報到.帶我個亞姐話我遲喎.十點半返到,可以食埋野先開工.咁我明天早0的返啦.首先帶我去換制服.然後攞個點心印.大部份時間都係推住架點心車賣腸粉同蒸飯.有時會托住個盤賣蛋撻,窩貼同炸魷魚鬚.給錯印,跌野,出錯梗有.咪比人柄囉.都有0的同事好友善0既.有好多都係讀緊書0既學生.好忙.時間過得好快.兩點幾,開始去抹點心車,洗野.三點收工.大家就一齊係厨房食野.做咗四個鐘,出糧有$36 另外仲有$3 tips.過隔離Market City行咗陣.再去底層Paddy’s Market 用$1買個西生菜.其他菜,我怕太高難度,我唔識煮.由淺入深吧.

返工對黑鞋係以前買黎見工襯suit著.已經好耐無著,行咗幾個鐘,左腳腳趾損左,甩皮.明天同後日都有工返,打後就唔知啦.

尋日check optus電話prepaid得返$15,我買$30,即係已經用咗一半.人地打比我,我唔使比.我之前都係打過去optus 同銀行activate 個account,打電話搵工,打過比朋友.真係打個電話都要計住計住.

 

似遠還近

 雖然人在悉尼,同大家感覺好近.之前諗住唔可以係度做護士,我無帶0的正本黎.但原來可以through nursing agency 做nursing assistant/ carer.人工差唔多係唐人街0的工0既一倍.無帶証書,真笨!所以send email 比細佬妹,叫佢地寄比我啦.又唔知佢地幾時check.跟住 MSN 個朋友,叫佢打比個妹.細妹即上MSN. 仲用MSN幫媽咪傳話.媽咪同細妹都好Surprise我竟然煮餸.媽咪好似平時咁,問野啦,又叫我小心,唔好燒咗朋友個厨房.明天試工個陣,順便食多0的野,慳0的洗.....大家MSN係咁講笑,好似平時係屋企咁.

相隔遠,心很近.

day 5 明天試工

 可能尋晚飲咗咖啡,唔係好瞓到.半夜又上網打blog,同朋友 MSN(我鍾意做0既野).今早陽光燦爛,心情靚靚.星期六,本來諗住買報紙睇下有無工.隨意走入間酒樓問請唔請人.哈!明天試工賣點心.時薪$9,同之前聽差唔多,唐人街通常都係$8-10.咩都可以笑一餐0既我,覺得將會賣點心,非常搞笑.如Jeff所講,走入去問,就得架啦.所以報紙我都唔買啦.據呢幾日0既經驗,貼得出黎請人0既都係請長工.Jeff估中我前日去邊間雪糕店搵工.(Jeff 玩working holiday一年,舊年暑假返香港的.佢咗好多有人0既資料比我).點解佢估得中?因為那個casual junior staff wanted 0既牌係長期貼出黎架.

之後去ATM 試下用Commonwealth張咭.Day one 申請,尋日已經收到咭.再圡Boardway K-mart買厠紙.我都睇咗好耐,總之買最平個條啦.買到返去.朋友覺得那些厠紙比較鬆.問我平時有冇跟亞媽買野.呢條係我第一次買0既厠紙.平時我唔使去超級市場,街市入貨,買野都唔會點格價.拿住條厠紙行緊個陣,見到尋日個fundraising leader著住制服籌緊款.我諗賣點心同籌款,前者應該比較適合我.
時間過得好快.今日已經第五日.每日出街,食下野,搵工,咩都睇下.返屋企上下網,睇下書,煮飯洗碗.好快就一日.之前覺得搵工好難.如果真係咁難搵,就提早離開悉尼.我plan 留係Sydney兩個月左右.之後去邊就諗諗啦.