回首2009 & more

 2008年0既聖誕同元旦,仲記得係澳洲同一班外國朋友過.2007已經忘了怎樣過.2009四月由澳洲返港,準備英文試,希望攞澳洲個護士牌,又肥佬.去咗三次旅行(good,good ,good!).諗揾份長工,定去多個工作假期.結果選了後者(諗住玩多一,兩年,逃避現實吧).一直做散工.怎料年尾,玩小型賽車斷骨.我已取消咗愛爾蘭張機票.慶幸曾經有個澳洲工作假期.宜家好好收拾心情,好返後,好好工作.唔好再令家人朋友擔心.

 我本來以為元旦,我可能自己一個係屋企過.日頭我睇返朋友以前給我的聖誕咭,信同紀念冊.跟住又睇返日記同blog,好開心!妹妹同andrew放工後,都留係屋企,我地一齊睇左套幾悶0既電影.爸媽十一點幾到屋企.差不多十二點,聽到外面有人倒數.開電視睇好靚0既煙花,同家人互相講Happy New Year! amanda 係msn約我食早餐.我已經十日無落過街.
0係屋企行短距離,我無用枴杖,行到怪怪地咁.今朝落街,見痛,都係要用返枴杖.睇我0既進度,我估都仲要一段時間先好得返哂.

隱閉咁耐,面色唔係太好睇吧.不過精神唔錯!

養好身體,好快健健康康Enjoy my life!

2010祝大家健健康康開開心心!!!!!

Fonny email給Fonny 前往Fonny的日誌

生活永遠有無限的意外, 但經歷過一個特別的工作假期, 總算無憾...尤如我曾經在20年前在歐洲流浪過10個月, 為我的人生改變了不少...在去年的11月及12月, 我也再次到過澳洲進修, 今年的11月及12月會再去一次, 完結一年的課程, 對於我來說, 澳洲是我的第二個家, 感覺無限親切, 也有我的好朋友, 也不錯呢 !

於2010-01-03 21:37:00回覆

To Fonny

u're right!at least i had one working holiday! i'm glad that we did something memorable!

出院一星期

 21/12出院,19天係醫院0既日子,太長了吧. 22/12一早用枴杖(兩枝,腋下有兩個圏個隻)落樓下買早餐,頗吃力的.平時我會幫手開門比0的老人家/推住BB車0既媽咪.這次角色轉玩了.幫我開門0既婆婆開我咩事,祝我早日康服.23/12本來做姊妹的,去唔到好友0既婚宴,好唔開心.

一星期過去.覺得自己好似隱閉青年咁.情緒低落.手停口停,好好地撞斷自己0的骨……有時我會諗如果我玩小型賽車,無撞度.我宜家繼續日日返工(好想返工啊!),可以同朋友出街,呢個聖誕同新年係屋企度過.我咩都唔想做,係屋企不外乎上下網,狂煲電視,同瞓.
早前朋友send 陳利鋒係澳洲工作假期意外0既事. 講慘,大把人慘過我.人間有情,利鋒得到好多人支持.我亦好幸福,家人同朋友都好支持我.媽咪病咗好耐,仲要照顧我.我3/12炒車,醫生話骨要4-6星期好.媽媽話擔心我去愛爾蘭,但會尊重我決定.之前我會想繼續愛爾蘭0既工作假期.不過宜家tend to 唔去.無mood,唔想媽咪擔心.我覺得可惜的,做唔到計劃0既事 e.g出席舅父,朋友0既婚禮,返工儲$....
anyway我宜家繼續耐心0的,等好番!

感激各位比我0既祝福,山長水遠黎探我,怕我悶,陪我傾....!!!!!!
我傻,但傻得幸福!
或者我唔會再好似以前咁傻,家陣我識驚啦!

woods email給woods 前往woods的日誌

呌多D啦, 陪吓媽咪, 咁你即係唔去愛爾蘭拿 ???

於2009-12-31 00:37:00回覆

To woods

dont go la. i cancel the flight ticket today.

Wendy email給Wendy 前往Wendy的日誌

睇黎你都係時間定下來啦.......

@骨科病房

 7/12 由於女病房太多病人,我被轉去男病房0既雙人房,我隔離床0既Suzan都係護士.由於間房本身設計供單人用.只有一個叫人鐘,插蘇位亦係我個邊.所以我會幫佢按叫人鐘同差電.我地就靠張bedside table互相傳送物資,例如:雜誌.由於我地中間係無簾,大家幾時大小異便都好清楚.佢拔尿喉個日都請教我點樣坐個便盆.佢做咗脊柱手術,用便盆0既難度比我高好多.佢之前怕搞唔掂的話,就用尿片.結果成功.

我之前係女房瞓張電床,比宜家張手搞床舒服好多.呢度雖然無電視,但以前係澳洲有段時間仲悶,所以宜家都唔會覺得太悶.
8/12 今日學用輪椅,後波轉彎,無問題.晚上suzan家人探佢.佢媽咪同我媽咪同是天涯淪落人,非常好傾.兩個廿四孝媽媽.雖然炒車,但亦算不幸中之大幸,起碼我唔使做手術,手腳活動都自如.由於休息夠,仲精神過平時.不過自己真係好衰,搞到屋企人同朋友擔心…...呢兩星期最多落輪椅,第三個星期可以開始行.希望可以快0的好返!
拿住個三角架起身,

就諗起玩wakeboard.

9/12
尋日已susan做咗個龜殼(用黎支撐條腰).今日係物理治療師陪同下,用架同士的行路.見到佢好得咁快.3/12做咗7小時0既手術,今日可以落地行.替佢高興之餘,亦羡慕.自己好心急,不過又急唔黎.只有等.今日大巡Grand round(即係一大班醫生,一齊巡房兼教書).顧問醫生,拿住我張x 光片問學生書.之後問我幾句,然後就話我可以用架行.我估無醫生寫低,所以物理治療部下午都係比輪椅我練.病房門口較窄,自己用輪椅出入,頗有難度.
晚上媽媽繼續帶來晚飯同魚肚糖水.佢話擔心我一月去愛爾蘭,我就同佢講睇下到時情況點.細佬帶咗0的我要0既文件,又幫我去電話公司整野.見媽咪有幾聲咳,個樣又好累,病病地咁.個一刻我想喊,真的好內疚.不過我都忍到.我亦知道,自己總會有情緒低落0既時間.人生有好多好多考驗,我要學識去面對,去處理.

10/12
今日我開始用架行,Susan 0既進度亦好好,大家都可以自己行去厠所.Susan 明天可以出院.
醫院0既膳食對我黎講唔差(我食得比較清淡).呢個粟米白汁蒸魚柳賣相不錯吧

.三餐我最鍾意早餐0既粥.

今日食0既係紅米粥.款式幾多:洋蔥豬扒，沙爹雞都唔錯
病房經理同院牧都黎問候我地

呢幾日都係度煩緊繼續住公立醫院定轉去私家醫院,同埋保險0既問題

護士變病人

 玩完賽車,我忍住痛蟻行返屋企.我睇唔到腳有咩瘀傷,行到咁耐.我估我拉襯筯或肌肉吧.

晚飯後媽陪我搭的士去急証室.因姆指同胸口擦傷,先黎枝破傷風針.等候期間,媽媽提起已過身0既公公.媽媽話自己記性越來越差,我同細妹都留意到.佢怕自己好似公公咁會老人痴呆.我答:咁都無辦法.我會照顧你(不過呢期要你照顧我先).腳痛越來越厲害,醫生檢查個陣,忍唔住流眼淚.我未試過痛到咁.照完X光.健康服務助理見我行到樣衰衰,推咗架輪椅比我.見醫生,睇到張片,pubic rami骨折

.估唔到要入院(第一次).平時照顧病人0既我,體驗病人0既生活了.
我都幾好彩,瞓窗口位,近電視,仲係電床黎添.起碼坐高,唔使要人幫.我個格有五個婆婆,一位中年女士.第一次用便盤,剩係攝個便盤落pat pat,我隻右腳抽哂筋.為免整濕張床,小便時唔可以太有勁.我瞓係度去咗一段時間,盡量去清佢.攞返個便盤出黎,果然好重手.成功地無整濕張床,yes!繼續bedrest.

晚上算靜,隔離床婆婆偶爾幾聲咳.routine:半夜打針,探熱,量血壓等.一天早上開水洗面,不過無我份.因為無預入院,牙刷面巾百無.七點幾,兩位工友推我去再照多兩張片.早餐雞粥,甜餐包不賴.巡房,醫生話我要兩星期物理治療,用輪椅.第三個星期可以開始行.可以轉去非急証醫院.媽媽帶來日用品,書,netbook,解解悶.跟住我要辦大事.瞓咗晚,好似無咁痛,我坐咗一段時間,個便盤有0的0梗,不過無便秘就好了.
打電話請病假,比保險經紀,比朋友取消約會....家陣笑,胸口同大肶都會痛.媽媽帶生果,炒米粉同魚肚蓮子糖水(對骨埋口有幫助).係醫院無落地,係咁食同瞓,呢趟可以增到肥吧.

是日早午晚餐
起碼兩星期時間無工返,無得周圍去,可能神要我好好休息吧.同埋玩還玩,真係要注意安全,保重身體!

第三界玩樂王盃

 破紀錄由4/11-2/12,一直返工,差唔多整整一個月.今日可以玩返日.久違0既小型賽車.亦係第一次搭港鐵到落馬洲,過關0既人比羅湖少得多.再係深圳搭火車到香蜜湖,除咗機動遊戲,仲見到好多食肆.預料之內,

香蜜湖呢個塲比沙井,細好多,

車亦比較殘,不過就點撞都唔使賠.$380人仔100cc算抵玩.一樣四塲,午餐唔錯的

.我地分型男索女組.第一塲試賽,

第二塲排位塲,揀到架好車,

第3

第三塲初賽,亦係第四塲0既排位賽.一開波無耐.頭位車手可能架車有問題,係彎位抄咗.我扭唔切呔,直撞埋車呔堆.撞力好猛.我初時心口同肶位都痛,但我換咗架車,完成賽事

.第四塲我係最尾0既位置起步.由於之前撞得咁金,我都就住黎楂.亦有2位參賽車,尾塲唔玩,得返11個車手.我以第七名完成十五圏0既賽事.

是次分男女子賽,睇男子組比賽,好睇之餘.大家又可以輪樓抖下.玩完第一,二塲,我地食午飯個陣,仲手震緊.加上賽車要好專注.有休息時間,真好!
有兩位朋友都幾年無見,朋友聚舊,開開心心玩返日Good!

女賽車手 email給女賽車手 前往女賽車手的日誌

ooo, 你都有玩開kart仔架??我地都有攪比賽架wor..有機會 join 埋一齊玩啦..

於2010-04-01 00:37:00回覆

To 女賽車手

我記得你以前係我blog留過言的.多謝邀請!不過我炒車斷咗骨,有排先好.我都唔知第時仲敢唔敢玩 lu.

Pre Working Holiday ireland

 繼澳洲工作假期,今年想申請紐西蘭工作假期的,不過額滿.出奇地愛爾蘭工作假期,十月都仲有位剩.雖然我想愛爾蘭無澳洲同紐西蘭咁多野玩,不過

聯合國發展計劃調查顯示,最適宜人類居住的國家排名如下:娜威,澳洲,冰島,加拿大,愛爾蘭,荷蘭,瑞典,法國,瑞士,日本.
我已經係排名第二0既澳洲生活過.又試下愛爾蘭有幾好住,順便練下0的英文(比多個藉口去玩).無澳洲之旅0既緊張,徬徨,興奮(第一次嘛),多咗份自信,我有能力自己去流浪.或者下年申請埋New Zealand,英國Youth mobility scheme(可以留兩年喎).今年仲新增咗德國.前幾日連日本工作假期都正式登塲(呢個我唔會考慮).爸媽當然會擔心,但容我繼續任性(多一兩年吧).
月頭準備好保險及其他文件,send email去愛爾蘭領事館預約交表. 14/10/09交表比個好無禮貌0既職員.尋日收到email通知我今日可以去領事館攞working holiday authorization.

同一個職員,今次態度好好多.
港鐵金鐘站三個合味道大杯麵

跟住去咗筲箕灣東大街57號安利大排檔食三拼切腩,湯底,牛腩,雲吞,魚蛋,魚皮,牛丸,墨魚丸都好好味!隔離潮興粉面,貼咗阿蘇張相.

呢段時間我就參考下旅遊人生同前人0既blog
http:// akalone.blogspot.com
http://catzzz_summer000.mysinablog.com/
http://eire8.blogspot.com

http://hei.blogsome.com

 

前排我已經將手提轉咗儲值咭,留住個手提電話號碼.計劃一月出發,出發前會買本netbook.跟住都係申請國際車牌,交定稅等.工作方面:有個師妹做緊carer,~ euro $10/ hr.朋友叮囑我今次記得帶護士牌 (-_-!) 

好,仲有約兩個月時間準備!

我0既澳洲工作假期紀念品

 同venus,Dawn,Grace去沙田新城市Shakey's Pizza Restaurant晚飯.Dawn帶來我澳洲0既寶物(離開悉尼時,寄存係Dawn屋企0既野).

有日本朋友0既CD,city to surf 慈善籌款0既cert,ielts成績單,澳洲朋友給我的咭,禮物等.我睇返0的信同咭,睇得最耐係老人家寫比我張咭.我邊睇,邊讀出佢地個名.朋友問:”你係澳洲識咗咁多人,你會唔會唔記得佢地個名,或者點識…”會的,諗起個樣,醒唔起個名…所以要睇返個blog,信,咭,email等refresh 下.提及我working holiday日本同香港朋友點開花結果.Dawn 同Grace記得好多我忘了的細節e.g. 男方係出發日本前買咗兩頂帽(一黑一白),表白前送給女方,算是訂情信物吧.

我善忘.但我不忘跟朋友聯絡.今日收到德國朋友0既email,佢同男友結咗婚.還有澳洲老人宿舍經理的e-mail....愉快的假期!

麻雀教室

 北京之旅認識兩位加拿大人來我家作家.飯後我地宏揚中國文化,教兩位客人打牌

Rob 排牌太有趣吧!

Rob 話係不久將來Lonely Planet(旅遊書)會咁寫 "Hong Kong: Chan Family, be sure while you are staying in Hong Kong to have visit the Chan Family. They offer a supper full of authentic Chinese food, delicious and filling. Afterwards, they will encourage and teach you to play Mahjong. Good luck at beating their champion mom!" haha

翻譯：
香港：陳氏家庭．來港旅遊，記得到訪陳氏家庭．除豐富晚餐外，還有學打麻雀．如果你幸運的話，或有機會擊敗冠軍媽媽

事源我告訴他們，我家人打牌好叻．我細佬話我媽咪係麻雀PhD．媽媽落塲口氣亦大：”我坐得係到，都係贏架啦”咁確實佢有贏無輸

雖然我爸媽唔識英文，但兩位外國朋友對中國文化同歷史好有興趣．例如：問及文化大革命．爸爸邊講，我地邊翻譯，好鬼難．但大家有講有笑．好開心０既一晚！

Video by Josh 後段係我地打麻雀

Sau Him email給Sau Him 前往Sau Him的日誌

哈哈, 真係好開心, 外國人知道香港食0野又好, 玩又好, 一定會返去好好介紹一0下比0的 friend 知 ~

生活0既藝術

 我鍾意睇星期x檔案,新聞透視,時事追擊等節目.朋友建議我去youtube睇返港男講女,港女講男同Y世代.呢幾日係咁上網,睇電視,睇戲:得閒飲茶,電車男…..

返到黎香港,每日都累累的.亦有working holiday 0既朋友跟我有同感.由relax 0既澳洲返黎 busy0既香港.大家都出現 aus sick.Y世代0既我問X世代0既媽媽:點解我地要係香港過0的咁大壓力0既生活.Y世代:創意無限,做工做唔長,成日問點解….媽媽答:做人要知足.媽媽成日教我忍.或者時間會令我適應,或者我會嘗試另一條路.
有位朋友覺得我好認真.比太大壓力自己.佢提我要relax.要學識生活0既藝術.The art of living係一位我地遇到0既德國遊客講0既.佢話我地香港人總是匆匆忙忙的.記得係澳洲同兩位歐洲人租車玩,佢地會係沙灘瞓成日/睇書.當時我覺得好浪費時間.但漸漸我享受呢種悠閒0既旅遊方式.
還有我諗生活0既藝術其實包含好多,例如:對人0既包容,唔好咁materialistic….以上0既電視節目/電影都係想觀眾有所反思.真的,我希望我學會the art of living,活得開開心心!

karen email給karen 前往karen的日誌

無錯，香港的生活方式令人透不過氣

於2009-05-04 00:27:00回覆

To karen

係啦.諗返以前返工,返到癲咗咁.好害怕,再返黎.我諗分流0的policy越黎越難記.

febnine email給febnine 前往febnine的日誌

咁妳唔好再去Working Holiday啦, 再玩落去, 妳同香港脫節架啦...

於2009-05-05 23:14:00回覆

To febnine

已經脫晒節架啦.唔爭在玩多年 (又病發)

Annie email給Annie 前往Annie的日誌

係呀....... 一定要啦!! 輕輕鬆鬆 開開心心 咁又一日! 心靈睇到的野會更多....... take it easy!!!!!! yo yo yo YO!!!!!!!!!! > < 努力呀!!

於2009-05-05 23:12:00回覆

To Annie
blog提0既朋友->你.多謝你0既提醒!我不時睇返你寫比我0既野.我真係好鍾意你畫0既畫

Working holiday 總結

 係澳洲,我曾經係酒樓點心妹,味千侍應,老人宿舍起居照顧員/Kitchen staff,醫院助護/陪人,酒店housemaid,農塲剪提子同pack箱.

呢度好多好多第一次：自己去旅行，煮野食，揾sharehouse,skydive,係monkey Mia餵海豚…..
好多驚險野．第一次係Melbourne楂車．係port augusta炒車(P.S司機唔係我)…..
我好鍾意澳洲：遇過好多好nice０既人．見過好多好靚０既景，行過無數０既沙灘．尤其係西澳．至愛National Park 係Karijini National Park．好開心可以係Ningaloo Marine Park０既turqoise bay過生日，浮潛睇海龜鯊魚．
最貴最辛苦係Kimberly之旅．但整個旅程，最辛苦係掛住屋企人，朋友同香港．有時會好悶，有時想放棄：不如早0的返香港．但可以去咁多地方，識咗好多朋友，學咗好多，個人成長．．．一切一切都值得！！！這一年時間叫人很回味！！
hostel 厨房通常都會有告示提backpacker洗碗．其中有句“Traveling around the world is an act of independence.”我做到了！I’m proud to be a backpacker!

Sau Him email給Sau Him 前往Sau Him的日誌

我真係好羨慕你有呢個勇氣, 時間, 能力去呢個 long vacation, 見到你0既 blog 寫得晒你0既經歷, 真係好有趣, 我相信你一定畢生難忘, 呢個 trip 好值得同你一樣咁有條件0既後生仔女去一去 !!!

瑰思 email給瑰思 前往瑰思的日誌

我用左4日時間睇哂你澳洲working holiday 的blog 呀~ 晚晚放工返屋企都追! 哈哈, 好好睇! nice sharing !

於2010-01-10 18:17:00回覆

To 瑰思

多謝捧塲!原來四日可以睇晒. 呢排我都有做少少update.因為勁得閒. 第時到我睇你的                

返港一星期

 無乜精神.係因為悉尼傷風未好番哂?鼻敏感返發?掛住澳洲0既籃天?唔慣香港又熱又濕0既天氣?我好似以前咁,日日對住部腦.澳洲0的相睇極都睇唔厭.

好開心!見返好多好耐無見/ 澳洲認識0既朋友.呢排好多好多0既gather.尋日去上徒手潛水速成班.為四月底0既鯨鯊之旅做準備.我諗緊遲0的報ielts course.再考多次.又諗緊申唔申請多個working holiday(唔申請第時就無機會,但backpack,係外地生活,唔係件容易0既事). Ireland 09/10 quota 已經full 咗.係澳洲0既時間,顧掂個一年就得.返到香港(現實),好多野要諗.不過時間會令你適應.看看以後的決定如何.