覺得自己行得唔錯.年三十同大年初一(暨西方情人節),開工大吉.唔知應唔應付到病房0既工作.所以呢兩日做單對單私家看護0既工作.第一次到瑪麗醫院.照顧私家病房一個中風伯伯.伯伯0既家人好好人.初一double pay,伯伯0既太太給我第一封利是.雖然工作十二小時,好長.可以開工,結束兩個幾月量地0既日子.實在太好了.黎緊試下應唔應付到病房0既工作.始終我都係鍾意係病房打滾,多過做私家看護>做院長>教書.
家裡沒甚新年氣氛,沒佈置,無貼揮春,無年花,全盒都唔使放出黎.沒所謂.
身體健康就好了
4/1 覆診後,我都唔係幾敢行太多.用枴杖出過街兩次.唔用枴杖,落過樓下兩次.今朝我同媽咪講,我自己去睇醫生得勒.雖然我未完全行得正常,行得慢0的,但無痛.媽咪堅持陪我.
今次係比較大粒個醫生(係娜打素醫院幫我隔離床Susan做手術的.Susan讚佢好好的)醫生睇我張片,右面仍然成條裂痕.佢問點解我撞得咁傷,係咪成個人拋咗出車.如果上面都斷埋的話,要做手術的.問我仲敢唔敢再玩.我乜都唔敢玩啦!
佢幫我檢查個陣有0的痛.問我行唔行到兩個鐘.我又未試過喎.佢叫我可以就自己感覺,唔痛就可以行.記得私家醫院個醫生同我講4-6星期骨生返埋,我自己睇書上網都寫恥骨骨折4-6星期heal.我康復進度係咪好慢呢.醫生又話:係咁耐.
醫生話我可以試下返工,不過係一日三,四個鐘(呢0的工,我知有,不過好少囉).前日朋友問我可唔可以幫佢教毅進課程.我不喜歡教書的.小學見0的老師咁勞氣,自問無乜耐心,我大個唔會教書的.不過我好多時都係諗人地先,呢個係我好好0既朋友.我又膽粗粗應承咗.11/2教第一堂.教到五月,總共八堂.20/2要出晒考試題目.
宜家準備下0的教材(雖然我提唔起勁)