尋日 2-6p打羽毛球,晚上去姨甥女百日宴,好累. 天氣預報今日落雨, 朋友又話深涌路滑多斜搞到我有0的拗底,諗過今日縮沙. 上次0的瘀傷未好晒,爸問我:”仲未學識踩咩?” . 媽見落雨濕濕,叫我唔好踩. 結果我都係唔想浪費一日假期. 第二次跟愛騎行去西貢深涌.
由大圍火車站出發
對岸0既馬塲,仲有 中文大學.落雨去士多避咗陣.士多後面好有泰國feel
西徑村落斜,好斜,路又濕滑. 跌車,大肶瘀咗成個漢堡包咁大範圍. 不過我會越踩越好的
經過紅樹林同魚排.
菲律賓人Claro抽完筋. 輪到我, 夾硬上斜後, 隻右腳抽筋. 隻腳屈唔到, 從來未試過咁,0個種感覺都幾搞笑.
身後0既馬鞍山
我記得黎過深涌碼頭.翠華有船去塔門,荔枝窩經呢度0既
兩位男士借膊頭比我踩上去燈塔
大草地
深涌農莊,無開0既士多
魚塘倒影
靚景, 好helpful 0既buddy, 刺激0既上落斜....好玩!