西歐 day 1

1/7/05 凌晨機出發．１２小時左右的機程到達倫敦希斯路機場 Heathrow Airport．倫敦夏天比香港慢七小時．一出機場攞定本非常有用的 tube map（即係地鐵路線圖）．入境起碼等了半小時，因入境處職員會問長問短，例如：”你黎到倫敦住邊？你做咩職業？做咗幾耐？”之後搭幾震，頗嘈，無冷氣０既地鐵往Finsbury Park 站（同機場站一樣，其中一個唔需要出閘的站．如果你唔怕俾人查飛，可以買最平的小童飛慳＄．罰款２０英鎊或以上．不過我就未見過有人查飛囉．地鐵按不同的Zone 收費．Zone 1最平．另有任搭地鐵，巴士，輕鐵的 One Day Pass, Weekend pass 等．同Martin, Paky, Anna滙合後，搭地鐵去Leicester Square站附近的唐人街．唐人街一盒細的金嗓子賣成£5.5．然後再到Leicester Garden附近０既stall買歌劇孤星淚的飛．係度睇歌劇３０英磅平過香港好多嘛．仲有Phantom of the Opera等好多選擇．如果你有時間排隊，呢度可以買到半價飛． 唐人街 乘地鐵往Waterloo買去溫莎堡Windsor Castle的火車飛，車程約一小時．係Waterloo亦可以買到去Stonehenge的火車飛．由火車站 riverside station行去溫莎堡途中，見到每半小時一班往Legoland 的 shuttle bus.  溫莎堡早上十一時有換兵．每半小時有Guided Tour．Queen Doll Room 有好靚好大的屋模型．St George Chapel．0係度可以眺望威廉王子就讀過的Eaton College. 溫莎堡都幾嘈，因為常有飛機飛過． 去完溫莎堡，於Eaton市走走．那裡有間teddy bear shop. 晚上返Leicester Square睇歌劇．差不多全院滿座．雖然唔係好明佢地做乜．不過都幾好睇，其他觀眾的反應亦好好．之後去Piccadilly Circus.個度有個大銀幕，又有個希臘愛神Eros像．購物街Regent Street, Piccadilly, Shaftesbury Avenue. 2100天仲未黑．