Day 26 打三份工

 0係老人宿舍一點收工,食完飯.搭車同返到屋企瞓咗陣.6p-11p去味千拉面.

第一日返工,就打爆隻杯,差點張辣粉倒錯咗落Garlic個樽度,不過無人鬧我喎.同我一齊做侍應0個四個靚女(兩個日本人,兩個中國留學生),仲有老細Mickey都好nice.
今日主要執枱,客人黎比餐牌同水,佢地黎同走,講句日文,傳菜,收工前0既清潔等.另外佢地仲教我沖檸茶,mocha soda同甜品mocha mochii.好多野要記,枱號,餐牌0既食物飲品,飲品同甜品點整.遲0的學埋用PDA落order同做收銀.希望我唔好搞錯枱號,收錯錢(中五那年係Pizza hut做暑期工有前科).
同我一齊晚餐0既中國學生,打扮好潮.黎咗悉尼咁耐發覺如果唔係聽到佢地講普通話/廣東話,都以為好多中國學生係日本人.今個星期打三份工,唔覺得好辛苦,因為無乜壓力.0係香港,我有時會失眠,經常傷風感冒同肚瀉.我知道原因的.所以好享受宜家無乜壓力0既生活.
宜家工作地方分別由西人,日本人同中國人做老細.西人同日本人老細對員工0既態度好好.酒樓就比較階級.都係唔同管理style,酒樓經理比較家長/權威式管理.有時佢見我雞手鴨腳,會幫我拿那些好熱0既托盤,唔知係咪怕我倒瀉晒0的食物呢.其實我今晚係廉價勞工黎,0係味千返頭兩日工只有一半人工.Mickey同個中國留學生都話通常都唔會做兩日就要你走0既.度度都返下,有西餐,日本菜同中餐供應.
下星期GMH編我返二至五,味千同酒樓未知,nursing agency又會唔會揾我呢?暫時我想日日返工,因為sydney city sightseeing,我有興趣或免費的,都睇得七七八八.Sydney附近Hunter Valley/ Port Stephens/Blue mountain可能同朋友或表弟去.Manly/ Bondi/Palm Beach留返夏天去.