Day 47 My Work

 0630於老人宿舍收工,帶住三位老人家送給我的朱古力回家.

佢地都話我瘦,想我儲肥0的吧!可能我同佢地講過chocolate is my favorite.之前佢地送過糖,朱古力同包,宜家個個都送朱古力.除咗禮物,佢地總帶俾我好多快樂.佢地會問我幾時返工,因為好鍾意見到我.有時會送我飛吻.尋日返工,有個婆婆問係咪有人upset我,佢覺得我比平時少野講咗.好關心我.返工不知幾開心,尋日係咁同班老人家講我去hunter valley 同Port stephens玩得好開心!佢地又好包容我,有時聽唔明佢地講乜.同事又好.
8/6起會Train埋我做厨房0既工作.主要整下三文治,reheat,分食物同清潔.朋友講笑,希望班老家唔會比我搞到食物中毒.另外我希望唔好打爛野啦!又可以試多樣工作,幾好丫!

酒樓0既工作,最大0既得著係可以識到一班backpacker.不過佢地六月陸陸續續去Brisbane.搞到我都想唔做.等nursing agency 0的job人工比較高嘛!不過我仲未影到推住點心車0既相呀.

味千個邊,五月做咗三日.25/5老細sms “meet u next week to pay u”.不過家陣都仲未聯絡我.係佢太忙,唔記得,有心拖久工資???希望我係小人之心啦.

Wendy email給Wendy 前往Wendy的日誌

0華...你真係小心d wor.....不過我都係擔心班公公婆婆多d.....我真係驚佢地會food poisoning ar.....不過你都要小心d呀...我驚你除左打翻野之外.....我仲驚你整親手呀..........be careful and take care.

今早六點半收工.本來諗住去超市買火腿,腸等.Grace好體貼,已經買咗(佢又知我想買咩0既?).仲送咗支潤唇膏比我.佢黎澳洲呢幾日,帶比我地好多歡樂.旅行又幫我地影咗好多靚相.三個大學同學一齊係悉尼玩,真開心!
Grace, 香港見啦!

我瞓一陣.去銀行開個saving account.有七厘息喎.行下街.去旅行社同hostel幫表弟揾資料.因表弟7/6到悉尼.我地會一齊去blue mountain.返屋企,寫下blog,上下網,同朋友chat,吸塵,洗衫,抺厨房等.時間都尚早.可能因為無電視睇,0係悉尼無咁多朋友同我周圍玩,空閒0既時間好多.

呢排唔係返工,就同朋友出街食,或者去Railway Square YHA,同班backpacker一齊食飯.我好耐無煮晚飯啦!今晚食蕃茄牛肉炒蛋