我不算是個易哭的人吧! 我大概記得最近幾次,幾時哭,為何哭.今天哭了.對上一次係我骨折在家休養期間,覺得好慚愧,三十歲人還要媽媽操心.再對上一次,2008年九月吧,比朋友激親.再對上一次,2008年頭,因為妹妹要做開腦手術.
我不太習慣於人前哭.記得決定離開公立醫院那天,我返九五,負責執士多房.但早班有同事請病假.我就接手佢0既爛攤子.做唔切,愧疚地交班比P更同事.兩點幾去食飯的時間.哭了一塲.回到病房繼續工作.沒有人察覺我哭過.今日凌晨與朋友慶祝生日.與友人談天,喝酒.獨自坐小巴回家.在車上,不知為何眼淚流了出來.哭了一會.是酒精影響嗎?是因為朋友的關心,太感動了嗎?跟壽星公夫婦相識幾年.壽星公最最最煩.每次都催促我拍拖.今日個粧化得很爛,又鵝我去學化粧.....呢排我就係無心情,無乜野令我雀躍.壽星公太太善解人意,跟她談,舒服好多.
有時痛痛快快哭一塲,算是一種發洩吧!
