頭條日報睇到呢篇文章
回想第一次搭飛機,跟大學同學跟團去華東,仲記得當時上海外灘0既夜景,令我嘩然!之後跟團去台北,印象不是太深刻,去過野柳睇女王頭奇石,九份,六福村玩機動遊戲,記不起有甚麼特別好吃的食物.以後開始自由行,第一次自己安排到沙巴.新疆背囊團好辛苦啊!喜歡自由行多過跟團,有更多變數同驚喜!
澳洲0既工作假期,相信唔少backpacker都試過旅遊0既時間好長,每天看著再美的景色,亦會看膩.厭倦了旅行嗎?不會吧.
呢個世界我有好多野去睇,去體驗.自去年北京之旅,已年幾無搭過飛機.餓夠了.13-26/12/2010兩星期大假,帛硫 或台灣之旅 Yeah!!!!!!!
聽講餐廳平時好多人排隊,我地唔使等太耐就入座
首先黎菜湯,餐包同蒜蓉包,不過不失.
最正係個炸豬手,好鬼脆!!!!!唔多肥膏,食落唔覺油膩.
晚上入住駿景酒店,馬塲景,間房好大煙味.
先講我自己.朋友問 :點解我咁耐無寫Blog?太忙?唔係.家陣返工個病房,可以準時收工.亦無喪玩.前排諗諗,我係咪應該買樓.做少少資料搜索後.繼續安於現狀.跟爸媽住很好丫!呢期review下買咗幾年0既保險,一向都唔係幾知自己買咗0的乜.生活太平淡?是吧.無乜野想寫,個blog就離封存咁.或者相呀,一兩句咪打係 facebook 囉.
今日係醫院0既迎新日.再次成為醫院0既新人.不錯吧!今年做散工/宜家做長工,都有病人/護士學生問我 :"有冇十九歲?""係咪黎實習?""姑娘,你啱啱畢業?"有點開心0既同時又諗 :夠竟係戴咗口罩,令個人睇黎後生十年?定係我唔夠pro?又或者我太無架子吧.反正我都唔想做senior.繼續不思進取ing.
月頭開始唔舒服,去埋長隆玩,加捱夜睇世盃決賽.病病地.我預咗.會好似去澳洲之前咁.返工有壓力.捱更抵夜.會成日病,傷風感冒,肚瀉失眠.家陣比我預期好好多.無以前咁辛苦.亦有自知之明吧.自知無以前咁捱得.雖然最近第四次覆診,X光片0既斷骨已經完全癒合.不過都唔敢好似以前玩得咁甘.
至於我0既工作假期朋友.差唔多全部我於澳洲認識0既backpacker都返回hometown.有人又返咗澳洲2nd.有人申請咗BNO,諗住不合法地再申請.有人仲心大心細諗緊仲去唔去多年..家陣去澳洲工作假期已不設限額.不時有分享會,曾經被邀請出席,不過我無乜興趣去.有點覺得呢類分享會變得泛濫.
上星期我呢個舊人farewell 朋友Bear.懷緬我的working holiday 0既同時.唔知 Bear 0既working holiday會點呢?
12/5係國際護士節.中二那年,跟同學傾大個做乜.我地兩個都話做護士.結果我地都如願以償.點解當初會揀做呢行呢?因為人工唔錯.可以幫到人.唔怕揾唔到工.工種亦多樣化.我以為可以唔使點用腦,照醫生指示做咪得囉(想得美).近來亦有朋友問我護士0既前景點,考慮入行.回故我0既護士生涯:公私營醫院,老人院,智障寄宿學校,私家看護等,我都做過.喺澳洲醫院或安老院亦做過助護
去年四月由澳洲返港,透過工作介紹所,於醫管局轄下一間急症醫院骨科病房工作.遇到唔少護士學生,好有愛心,對老人家好好.有時佢地會同我訴苦,覺得自己做得唔好,唔適合做呢行.想放棄唔讀.呢啲都係我經歴過的.曾經有段時間,只顧工作嘅忙,人亦比較暴躁,完成手頭上工作就好了.有一次護理一位被的士撞倒婆婆.婆婆插咗喉,講唔到野.我二話不說,替她滴眼葯水、抽痰、餵奶等.有一位高級護師提醒我,無論做任何程序,都要同病人講.將心彼己,我們不是機械人啊!好欣賞呢位高級護師.
我西北澳0既醫院工作好清閒.我單對單,最多對六個病人.個度唔起床欄,亦好少綁病人.寧願請個人黎睇住佢地.不過香港公營醫院好難做到.探病時間得個兩至四小時,雖然綁住病人好唔人道.不過係為免佢地傷害自己,無法啦.如果可以比多的時間家人陪,病人開心0的,好都好得快0的啦.
係醫院睇到好多人生百態.廿幾,三十幾,四十幾歲人,唔識照顧自己咁,爸媽好似湊B咁照顧佢地.見到佢地都眼火爆.有病人當公營醫院係酒店,密密返黎住,係病房度行行企企.實在又好抵住.$100包三餐,小食,住宿,醫生,護理等.好多公共資源給浪費.私家醫院就環保好多,一塊膠布都要收你錢.人就係咁,唔使你比,亂咁用.有仔女送阿婆入院,跟住話:”我送得佢黎,就唔會帶返佢走”,好似遺棄孤兒咁.所謂”久病床前無孝子”.亦有人不離不棄.有人為分遺產而黎探病.病人,家屬有好有壞.醫護人員一樣.
我宜家係一間較細0既私家醫院工作.遲0的會返去澳洲前工作過既私家醫院.叵想以前工作的地方.壓力令我失眠,肚瀉,經常病,記得有次生蛇添.雖然辛苦,亦捱咗兩年.因為有一班好好好好0既同事.宜家同事各散東西.選擇返去,因為人工,同埋近.唔知自己捱唔捱得住,或者想唔想去捱,值唔值得?睇下呢雲我可以做到幾耐吧.
5/5 返P好忙.凌晨一點收工.瞓幾粒鐘 6/5 0645開工. 好累.放工與友人下午茶.友人嚷着"唔想返工".晚上看舞台劇"29+1六次方"
第一個單元:主角準備返工.衣櫃有好多衫, 但唔知著邊件.呢個問題我黎講唔太大.廿幾歲時, 鍾意唔同形象: 爆炸頭,負離子直髮,一頭紅髮…我本來就懶.人大了,更加不修篇幅.我享往係澳洲簡單0既生活.唔使煩著咩衫.因為我只有幾件衫.近來睇到一段新聞.一對外國夫婦因幾歲0既女兒崇尚物質主義,舉家移民烏干達.一家開開心心過簡樸的生活.
主角嚷著”唔想返工”.哈!朋友下午茶才說過這番話.早前同兩位中學同學晚飯,大家都覺得成日都好累.節目不乏笑料:女生齊齊去洗手間,齊齊分hand cream,收到大量0既餅咭….講中好多野e.g我以前無諗過我會買保險
有人不只第一次睇29+1,包括我朋友在內.可能吸引之處在於大家共同的經歷.成長的其中一個階段.叫人回憶,回味!想起去年我29+1的生日會,開始笑了.
四月個陣仲唔係幾開心.可能之前不甘自己down trend,不甘平平淡淡,但又怕辛苦(我已經唔敢再流浪).又覺得自己無咗以前0既童真.唔會再咁勇…現在我想通了吧.宜家感覺唔錯.努力工作.享受同家人朋友一齊0既時間.平常心迎接我的 29+2,+3,+4…….
我不算是個易哭的人吧! 我大概記得最近幾次,幾時哭,為何哭.今天哭了.對上一次係我骨折在家休養期間,覺得好慚愧,三十歲人還要媽媽操心.再對上一次,2008年九月吧,比朋友激親.再對上一次,2008年頭,因為妹妹要做開腦手術.
我不太習慣於人前哭.記得決定離開公立醫院那天,我返九五,負責執士多房.但早班有同事請病假.我就接手佢0既爛攤子.做唔切,愧疚地交班比P更同事.兩點幾去食飯的時間.哭了一塲.回到病房繼續工作.沒有人察覺我哭過.1/3加拿大工作假期開始接受申請.那天凌晨,我上網睇睇http://www.canadainternational.gc.ca/hong_kong/experience_canada_experience/index.aspx?lang=eng
個晚唔係瞓得咁好.我懷念決定去澳洲/愛爾蘭0既我.沒有想太多.一個勇字,話去就去.之前諗應該唔會再去工作假期,唔想媽咪再擔心,同埋我諗其實我係咪仲想去呢?.但仲會心郁郁,睇下working holiday 0既資料.4/1 覆診後,我都唔係幾敢行太多.用枴杖出過街兩次.唔用枴杖,落過樓下兩次.今朝我同媽咪講,我自己去睇醫生得勒.雖然我未完全行得正常,行得慢0的,但無痛.媽咪堅持陪我.
今次係比較大粒個醫生(係娜打素醫院幫我隔離床Susan做手術的.Susan讚佢好好的)醫生睇我張片,右面仍然成條裂痕.佢問點解我撞得咁傷,係咪成個人拋咗出車.如果上面都斷埋的話,要做手術的.問我仲敢唔敢再玩.我乜都唔敢玩啦!
佢幫我檢查個陣有0的痛.問我行唔行到兩個鐘.我又未試過喎.佢叫我可以就自己感覺,唔痛就可以行.記得私家醫院個醫生同我講4-6星期骨生返埋,我自己睇書上網都寫恥骨骨折4-6星期heal.我康復進度係咪好慢呢.醫生又話:係咁耐.
醫生話我可以試下返工,不過係一日三,四個鐘(呢0的工,我知有,不過好少囉).前日朋友問我可唔可以幫佢教毅進課程.我不喜歡教書的.小學見0的老師咁勞氣,自問無乜耐心,我大個唔會教書的.不過我好多時都係諗人地先,呢個係我好好0既朋友.我又膽粗粗應承咗.11/2教第一堂.教到五月,總共八堂.20/2要出晒考試題目.
宜家準備下0的教材(雖然我提唔起勁)
4/1 媽咪陪我覆診.我問醫生最快幾時可以返得工.有個心理準備.”最快都兩個月後，用多兩星期枴杖，跟住試下自己行啦.”即係最快都要三月先可以返工.之前醫生話骨4-6星期好(網上資料亦一樣).以前讀書讀過,一個人知道自己病,有時會出現：anger,denial等返應．我否認的情況較嚴重吧．我以為自己２３／１２仲可以做姊妹，一月中可以去行山，可以繼續愛爾蘭之旅．．．不過宜家得面對現實(三個月完全康復)．
我有篇blog “快樂方程式”．我媽咪天生樂觀．我本身係個悲觀0既人(或者你睇唔出).媽咪個人實在非常硬正同樂天.佢同我講,起碼我家陣斷骨可以好得返.我都一直在學,學媽咪樂天堅強.
Wendy晚上黎探我,講開2009有次我地去船河.同船有位媽媽玩完香蕉船,唔舒服.過幾日後,腦出血去咗.睇到個blog有位媽媽懷胎39周,BB一出世就做幾次手術,結果都係救唔返.我一直以來都好好彩吧.諗返起以前不自量力地游水,楂電單車,係澳洲有次朋友楂車落山失控,澳洲個次撞車….就算係今次都尚算好彩,可以好得返嘛.
我宜家0既心情比之前好好多.過咗denial phase.啱啱返屋企個段時間,有點抑鬱吧.就算我唔眼瞓,我都係留係張床度,無心機,乜都唔想做.朋友,屋企人比0的正能量我.時間令我習慣呢段”頹”0既生活.我得承應我真係一個懶鬼.有朋友建議我温下ielts(我諗唔考lu).Wendy叫我趁呢段時間向媽咪學煮餸(這個….諗諗)我都係鍾意係病房度忙
下次覆診1/2/2010
