元朗塗鴉牆

 下午一點由天水圍西鐵站出發之前本土文化班去過0既屏山文物徑.

是日行程如下:
天水圍>屏山坑尾村>元朗塗鴉場>元朗山貝村>天水圍>輞井村>輞井圍>邊境山貝河>尖鼻咀>流浮山>屯門洪水橋>屯門站>屯門洪水橋>天水圍

本來朋友想去”老地方”食豬扒包,不過今日無開檔.
咁多人排隊,之前朋友係度見過伊健同蒙嘉慧
元朗某地盤下水渠,竟然有咁靚0,既塗鴉
踩咗陣掛住睇畫,路面濕滑,有大量青苔同蝸牛,PK了.
有叮噹同出前一丁

MTR
睇年份,兩三年前已經有人係度塗鴉
記得有幅寫住”2012 想到波多尼國.”實現了嗎?
留低車痕

比較少女的
雖然跌損咗,成車泥,但好好玩!

新界西北單車遊

 洗車後發現爆咗呔,唔知係咪塗鴉牆有玻璃.就係咁朋友將佢第一次比咗我(補呔).又熱又餵蚊,我又無準備後備呔.辛苦晒朋友!

經過濕地公園,0係輞井圍士多歇歇.士多老闆好好傾,好友善!
勁好陽光,繼續行程. 去到魚塘又爆呔, 跌落草叢中.推住架車,欣賞魚塘景色好美!
同大陸一(鐵絲)網之隔,朋友獻出佢0既第二次.朋友好努力,雖然佢一直講佢唔識補呔.俾蚊係咁咬,玩咗好耐,連膠布都出埋都係漏氣.有個叔叔經過,建議朋友將佢26吋後備呔換落我部20吋摺車度,爭成六吋,但原來work 的.
哈哈! 又可以繼續.去埋尖鼻咀.
望落去好多招潮蟹,跳下跳下0既彈塗魚
本來今日我想去白泥睇日落. 但雲幾多. 去流浮山途中,睇埋個日落. 
第一次踏足流浮山.
之前見無太陽, 諗住除咗副黑超.朋友話踩車戴超可以保護對眼. 我從來未試過天黑晒踩車,無意識開車頭尾燈. 戴住超,睇唔到路,跌到前轆都歪埋.好彩已經係屯門.去單車鋪搞掂架車.踩去洪水橋星都餐廳食飯.好肚餓.我覺得都幾抵食.$52 個海鮮螺絲粉好足料,薯蓉花又整得靚靚! 有餐湯,野飲同甜品.

咁耐無踩車,今次踩得好累.搭西鐵個陣,好想瞓. 單車方面,真係好多野唔識唔知. 搭港鐵去天水圍,我以為一定要拆轆.原來摺埋部車就得. 多得朋友0既提點同幫助.

DAy 9 台北西門町

 澳洲工作假期認識0既台灣朋友帶我去西門町日本餐廳食拉麵.都幾多人排隊.

隻糖心蛋好靚!不過湯底太濃.

活化古蹟西門紅樓隔離0既攤檔

懷舊佈置

朋友帶我去旅遊書亦有介紹

朋友送我0既手信攞獎食品,聽講好多人排隊架!好好味呀!

最近紫園飯店0既機塲巴士站係晶華酒店附近.大有巴士NT$90,不設找續. 大部份人都會去台北車站搭國光機塲巴士吧 NT$130,班次較密. 大有機塲巴士個司機,好搞笑.楂車期間會講下笑話. 令乘客都感到歡樂.

以前我會諗同爸媽去旅行,大家興趣唔同,唔啱玩,得個悶字. 今次台北之旅,好開心! 其一同台灣朋友聚聚舊,另外見到爸媽玩得開心! 媽最欣賞個温泉,覺得台灣野又好食,人又好! 台灣真係個好地方.我仲有好多地方想去,想去花蓮,宜蘭,清境,肯丁,台東….如果再黎台北或者會由三貂嶺行去侯硐. I 'll be back 

Day 8 台北歷史文化遊

 一早到捷運西門站,諗住帶爸媽去總統府.旅行經常玩到 time disorientated.忘記當日係星期六.未能參觀總統府.我地去咗國軍歷史文物館

同阿爸阿媽玩槍
總統副總統文物館
帛琉送比台灣總統0既禮物(帛琉國魚--蘇眉木雕)

爸爸係捷運中正紀念堂站間誠品書店打咗陣書釘,我去個陣”大中至正”四隻字,宜家變咗”自由廣場”
蔣介石坐過0既車
午餐捷運國父紀念館附近0既”温州大餛飩”
見到101.本來想晚上係度食自助餐.時間關係,轉plan

媽咪想買李錦利八仙果,我地去捷運龍山寺站.
電影”艋舺”剥皮寮歷史街區  由清代保存到宜家0既建築群
咁啱又有人拍緊戲
有二百年歷史龍山寺
艋舺夜市 呢度潤餅貴過士林,但士林比較好味
記得大約十年前吧. 行華西街夜市,記得好多水魚比人吊起,下面,就係一堆劏咗0既水魚,好核突.今次去覺得華西街夜市比較靜.最特別係蛇鋪有幾條大蠎蛇囉.隨意入咗間老店食野,唔好食.
去廣州街旅遊書推介 兩喜號魷魚焿, 大致都幾好味

魚肉唔夠彈牙
焿呢,都係台北朋友Candy帶我食0個個最好食

 

 

Day 7 台北士林,劍潭

 阿爸最愛忠烈祠

睇下換士兵
捷運圓山站有免費車來回圓山飯店隨意士林站附近午餐,好好味! 炒野夠鑊氣!個魚粥(比較似湯飯),魚多過粥 ,哈哈!
以前我去過故宮博物館,家陣勁多人
排翠玉白菜條龍起碼要成粒鐘,我地無睇
睇咗個清明上河圖

晚上參加朋友婚宴,對比香港比較簡單,頭盤係長腳蟹,味味餸都好好味!

DAy 6 台北陽明山,士林夜市

 入住紫園飯店(係捷運中山站地下街R4出口,好方便),同1/5早上到台北爸媽會合. 紫園要上一層先有升降機.職員都好友善,唯一係個厠所有時冇端端有水攻上黎,不過都好輕微0既.

係台北車站北門搭巴士去陽明山.行咗陣到遊客中心,見到好靚0既藍鵲.遊客中心個婆婆(唔知係咪義工黎)好helpful.介紹我地去陽明書屋,小油坑等.佢推介前山公園0既温泉,免費的(由陽明山公車總站行十分鐘.
遊客中心有水機,我地買0的乾糧.搭108巴士(NT$15一程)二子坪站.行咗條段環湖步道
有人影婚紗相
遊客中心婆婆介話二子坪同大屯自然公園靚,我就覺得無乜野睇
等車0個陣見人地係竹子湖影0的相好靚,佢話比 NT$50 入塲,可以摘 好靚好大朵百合花
再搭108巴士去小油坑睇火山爆裂口
不斷冒出硫黃煙
我諗過行由陽明山最高點1七里山120米 行去冷水坑.不過成兩個半小時.怕亞爸腳痛
搭108巴士去冷水坑
睇書介紹呢個免費温泉. 入到去,都係本地人. 比較似日式,唔著衫浸.佢地見我同媽唔知訂.問我:”有冇帶浴帽,有冇帶肥皂?”我答無.佢話我乜都唔帶,走黎浸温泉.我初初覺得0的阿嬸幾惡. 跟住我戴頭套,媽用毛巾包頭.我地用洗頭水,沖完涼. 開始浸温泉. 媽浸緊温泉個陣,擦手臂同上唇,阿嬸即刻話佢. 証明佢地保持得好乾淨.後來佢地都聊我傾偈.問我點揾到黎,其實佢地都好友善. 雖然叫冷水坑. 水温約40度.媽讚浸咁多次温泉,最正呢個!
個日得十六度,成日想落雨咁. 浸完温泉,好暖,醒神晒

由冷水坑遊客中心行去牛乳湖
菁山吊橋
跟住行咗半小時去擎天崗睇牛牛.
好耐以前我去過士林夜市.今次去部份食檔搬咗去地下街.台灣朋友話之前士林夜士比人鬧,例如空氣流通.我係地下街食野,覺得無乜問題
當然出面掃街,比較平
我鍾意兩老整呢個潤餅捲

 

Day 5 PALAU Zipline

 水族館係酒店隔離.我地係外圍走走. 係外面可以望到入面部份0既魚塘同水母. 仲有鱷魚.

身後係我地住0既酒店

 

 

本來我地計劃一大班人去位於Malakal島0既海豚灣www.dolphinspacific.com 同海豚游水.呢度 係全世界最大0既海洋哺乳動物教育研究中心. 海豚話係日本漁民度救(買)過黎.可惜出發前搞手發0既電郵,海豚保育中心好似至覆. 當日只有六個位. 我覺得自己徒手潛水未係咁好.其他地方亦可以同海豚游水.加上玩完,返酒店沖身,換衫就要去機塲.結果揀咗玩Zipline. 後來睇到朋友0既相,有點後悔的,第時再來吧.
中午係酒店餐廳食pasta. 切到午餐肉咁大0既刺身,未溶晒雪.但好鮮,唔點豉油都得,之前出去食個兩間日本餐廳,刺身味道比較淡.酒店老闆係台灣人,呢個旅程唔覺見內地人.台灣人就好多.
 帛琉有兩間玩Zipline公司,都係韓國人開. 另一間要自己安排交通. 我地join Palau Adventure Park www.ziplinepalau.com 離機塲五分鐘車程.由酒店過去唔使半個鐘. 到達就有張咁0既櫈.呢度主題係比情侶黎.office 對出有隻蝙蝠,可以餵佢. 遊紅樹林,好彩的話可以見到鱷魚. 今次我第三次玩zipline.呢個比較慢,冇咁刺激.
見到繩網,好想玩,不過佢話未整好

 

 

坐船游紅樹林,無乜野睇.游紅樹林,我首選都係沙巴,可以睇長鼻猴, 鱷魚同螢火蟲.
玩完飲野,食個椰肉sashimi.哈又真係幾似刺身喎.

韓藉CEO叫我地簽名冊.呢度2012九月開,我諗生意唔多.我地簽到第三板紙,係第一批係度玩0既香港人. 寄postcard要五蚊美金.不過free咗比朋友同我. 幸運兒,一年後你會收到呢張明信片

唔少朋友見到帛琉咁正問我,如果唔識潛水,有冇其他活動. 呢度仲可以行山,行瀑布,扒獨木舟,浮潛等等.帛琉,希望可以再黎!!!!

離開帛琉,返台北

Tim Album

 

Our Palau trip Video on YOUTUBE