Bathe jenny

 Got flu after attending gigi's wedding last night. after hiking, I went to 10C. Not feeling well. I took a nap while waiting for visiting hours. Jenny was assigned to a side room of two beds becos of low WCC.I wore a mask before visiitng her.her bedside rails were up. There were signage of "fall precaution", "bed rest" & "wash hand".My hands were cold but she still hold my hands.she asked if i consulted the doctor yet. I was afraid of spreading flu to her but Ester and I bathed her anyway as she felt her hair so itchy.Wanna stay for a while but mum told me to go back home for housework and rest. When mum back home, she told me that jenny had  headache so intense that made she yell.felt so sad for my sister, but we can just wait. wait till her WCC back to normal, so that she can have operation. 

多謝大家0既關心！可能葯物影響，細妹白血球過低．待白血球正常，可能兩至四星期，先可以做手術．

苗圃挑戰１２小時２００７

 第一段：油塘三家村遊樂塲－＞井欄樹．0815出發．

第二段：井欄樹－＞沙田坳道(獅子亭)．個幾月前練呢段個陣覺得好辛苦．但今日行得輕鬆．

補給站提供雪梨，香蕉，水，果醬麵包，寶礦力．
第三段：沙田幻道－＞大埔公路(九龍水塘)．沿途好多馬騮．

第四段：九龍水塘－＞城門水塘主壩
第五段：城門水塘主壩－＞鉛礦坳．雖然條路唔難行，但行咗咁耐，小腿同右膝0既痛，令我行得幾辛苦．
第六段：鉛礦坳－＞佛教慧遠中學．0係補給站差完電，跑落山．約1830,行咗10小時15分鐘，完成42公里0既路程．

多謝咁多位贊助我0既善長，精神上，行動上支持我0既朋友 ,我地0既 supporting team!!!!
之後帶朋友返屋企食下蘿蔔糕，豆腐花，飲涼茶，一齊睇我日本同菲律賓之旅0既DVD．招呼唔到，仲要你地洗碗．屋企部osim美腿魔師，剩係沖咗涼0既朋友先比用啦．跟住落樓下平台街邊檔食碗仔翅，魚蛋，麵....(我住咁耐,都未試過幫襯．)
你地唔介意洗碗0既話，下次再黎探我啦！
歡迎光臨寒舍！！！

Andrew email給Andrew 前往Andrew的日誌

係 la , 行得咁快, 尾燈都見唔到呀 下次見到車尾燈, 都算我贏

Hong Kong email給Hong Kong 前往Hong Kong的日誌

妳絕對可以行毅行喇，成個過程都唔係好睇到妳攰．勁呀！

肥安 email給肥安 前往肥安的日誌

我都覺得自己好勁呀！哈哈哈！越黎越勁呀！（其實每位參加者都好勁呀！最緊要有heart嘛！） 第五段攰架．不過都"頂able"0既．我繼續我一貫作風，全程保持笑容，你咪以為我唔攰囉．

生日&第一位乘客

 120

生活隨筆

本來今日返 P,所以之前搵同事調返早更．同事們竟然記得我牛一，祝我生日快樂．回家check email, facebook & MSN,SMS,Blog，繼續收到大家0既祝福．

跟住我小牛試刀，載 Ester去大埔墟．Ester第一次做電單車乘客，坐0係乘客座感覺有0的驚．所以我叫佢同我一齊坐司機位，攬住我，出發啦！！！短短0既路程，佢覺得好好玩哩！

跟住同中學同學0係稻香火煱，再去食甜品．本來兩位朋友book咗做我第二同第三位電單車乘客．不過見我好攰．下次啦．

回家忙著回覆朋友0既Birthday message．上上吓網．燈熄咗，Jenny捧住生日蛋糕出黎．屋企人又玩Surprise!同舊年生日一樣，我又驚喜又開心!!!Angus返工， Ester BBQ．呢幾年我生日，屋企人都等我回家慶祝．

多謝咁多位同我慶祝／記得我生日！！！好鍾意你地送0既生日禮物

並祝同我同年同月同日生0既你生日快樂！

苗圃挑戰12小時簡介會

 參加苗圃挑戰12小時簡介會．攞咗衫，號碼布，腰包，水樽，面巾，扇，barcode手帶，參賽者手冊等．講下籌款（嘻嘻，我仲未籌到 target），路線等．

兩星後就行４２km la．用繃帶幫Angus包紮好右膝，一齊出發跑大埔海濱公園．可惜佢跑咗無耐，腳痛無跑．我有時跑步都有呢個情況.今日一邊跑，一邊睇人地玩wakeboard，心癢癢．跑到最盡頭,就係

水陸墟.

呢兩個星期，我會練習練習再練習．希望到時能夠係１２小時內完成啦．

給他的信

 很久沒有寫信．中學和大學時，有這習慣．以後用 email溝通，或者已經沒有聯絡了．那些精美可愛的信紙和信封，我仍然保存住．

早上執起筆，寫信給一位獄中的朋友．九月三十日回港，我致電留言祝他生日快樂．前幾天才知他入獄這消息，很驚訝，很難過．我的家人都覺得他很傻，犯了法．其他人亦這樣想吧．因為你們不認識他．他，或者很傻，但對我而言，他是一個好人，好朋友．他犯了錯，在受罰．我沒甚麼可以做，默默支持，只可以給他寫信，寄上我的祝福和掛念．監獄每月限二人探訪，限額應當屬於他的家人．

等，等大家重聚的一刻．想起大家一起的日子，所有的回憶都是美好的！

OBJ Group A 觀相會

 約0係美麗華ｒｅｄ　ｂｏｘ　唱Ｋ＋睇相．Hang同學友把聲幾可亂真．我好似同學友合唱"風箏與風"咁.

本來想用房內電視播相同video. 搞唔掂．反正Ray's laptop 個monitor好大．一開塲，已經睇到我嘩嘩聲．Video分唔同Section e.g. rock climbing, shower climb etc，加埋音樂，勁正！！！大家一齊睇，好回味！！！

好surprise, Ray為我地整0既 DVD盒極精美．封面係我地係山上影0既其中一張相．印有我地 Outward Bound標誌，

日本課程日期，option :白馬之旅．後面有地圖．入面有一隻以 laser整，有自己張相0既DVD，令人愛不釋手.真係唔知點多謝你好．好感動！

感謝你付出0既心思同時間！仲有Janet安排呢次gather，cher & Hang陪我唱 K.

Ray ，你第時參加咩course，記得通知聲．我地儲珍藏版DVD 呀！

Post Moalboal gathering

 今晚約齊菲律賓Moalboal潛水團0既朋友去旺角警察遊樂會0既酒樓食飯同睇相．食物唔錯，每人都係六十蚊．主菜係睇相睇Movie.放部 Laptop 係枱面，一面睇，一面食．睇到無電為止．講返個 trip好開心！黎緊活動陸續有黎．行山，滑水，燒野食，希望請到假去啦．今年潛水團無我份lu,因為已經放晒今年0既大假.快0的到下年啦!

去旅行至今，好耐未楂過自己部電單車．更加耐無做電單車乘客．朋友手車好辣好快．起初我都有0的驚同緊張．坐坐下，感覺刺激好玩．話咁快返到屋企，真好！

ERIC email給ERIC 前往ERIC的日誌

Are you talking to me? 收曬心啦，只得瘋癲時代嘅一半，don't mind ar!

Back from Japan

 尋晚十一點幾返到屋企，B le 巴 la 同細妹講日本個 trip．爸媽十二點度返黎．個 trip 好開心，但係唔見咗買比佢地0既手信(Burberry, Anna Sui etc 0既毛巾仔）

．屋企人都安慰我．佢地都急不及待食人形燒，草餅等．

整理完0的相，又開始我每次去完旅行0既工作.寫Blog同遊記　http://fioncsm.tripod.com/jp.htm　十四日0既日本旅程.仲有五日0既菲律賓潛水之旅.有排打,但成日想快0的整好佢.不過我都要等其他人send 相俾我．因為我部相機老啦．可以換機啦．0的相0既顏色好核突.我都無乜點影相．

另外明天要返A night. Post Trip Sydrome 又黎啦！Depressed 呀！

晒黑咗，瘦咗，右唇生Herpes，塊面 好lup， 殘爆look 返工．

腳痛已經無乜．但個人仍幾累．好想繼續休息．個喼0的野都仲未執呀!

Japan Trip Day 14（淺草）

 ３０／９／０７　Day 14

淺草東横 Inn 早餐一樣係飯團，麵豉湯，咖啡同茶．但飯團0既賣相，可能我整都係咁上下樣．地方唔及橫濱東橫Ｉｎｎ寬敞．

今日雨落得幾大．好涼．昨日瘋狂購物後，今日二人只剩Y3,000到淺草

買野食同手信．喜歡掃街．邊行邊吃人形燒

，各類小食．行完淺草寺．0係外面檔仔，買朱古力香蕉，Ｋａｗａｉｉ婆婆送多條俾我地

，仲同我地影相添．

返酒店途中，到ＳＷＥＥＴ　ＳＡＮＣＴＵＡＲＹ　ＩＳＯ　ＡＳＡＫＵＳＡ買甜品．店員包裝得靚靚（面層有透明膠防水的）

，拎返酒店食．

同Venus分道揚鏕，佢搭ｓｋｙｌｉｎｅｒ，我搭 narita express．點解分開去機塲？用埋我那個３日變５日0既 ＪＲ　ｐａｓｓ．仲有延續ｏｕｔｗａｒｄ　ｂｏｕｎｄ精神，有條簡單0既路，我唔揀，揀條難0既．雖然係Ｄａｙ　１０，我諗過唔再玩outward bound，但宜家我又想再報，或者考慮下菲律賓海上嘔餐飽課程．繼續攞苦黎辛．點解？或者因為當我望住瀑布高山，唔信自己做到，但Ｏｕｔｗａｒｄ　ｂｏｕｎｄ話我知，我可以的．嘗過苦，得到的更甜！！！

Ｏｕｔｗａｒｄ　Ｂｏｕｎｄ０既參加者，你地覺得呢？

Japan Trip Day 13（築地，涉谷，六本目）

 Day 13

返到酒店，都好夜啦！

本來諗住３０／９去築地，忘了星期日唔開．所以改今日去築地同廸士尼海洋．

今日落雨，好涼．到築地，四條人龍，壽司大最多人．其次係大和．Ｖｅｎｕｓ同我排仲家．只有定食．呢餐好失望，海膽好苦．蟹肉好鹹．唔俾影相．買咗大定0既饅魚 egg roll

，好好味！會合Ｃｏｒｉｎｎｅ，Ｃｈｅｒ同 Ａｎｇｅｌ，唔去海洋廸士尼．今日係行街日．出發涉谷．第一站０１０１ｃｉｔｙ．掃Ａｎｎａ　Ｓｕｉ，Ｂｕｒｂｅｒｒｙ，　Ｖｉｅｎｎｅ　Ｗｅｓｔｗｏｏｄ等，仲有護膚，化粧品啦．睇下FrancFranc 0既ｄｅｓｉｇｎ.隔離Ｔｈｒｅｅ　ｍｉｎｕｉｔｅｓ　ｈａｐｐｉｎｅｓｓ都係賣ｄｅｓｉｇｎ,家品等.價錢就平好多.

dinner 隨便走進一間cafe. pizza同 dessert都好好味!

由於腳，尤其係小腿實在太痛，踎低可免則免啦．到六本目zaboo浸溫泉，按腳，張床好好瞓．入塲費Y2,880.如果安置好行李（例如：火車站ｃｏｉｎｓ　ｌｏｃｋｅｒ），黎呢度過晚夜，酒店錢都摼返．Ｙ４，８００按腳４０分鐘．按腳後腳痛減輕唔少．

Japan Trip Day 1（橫濱）

 執行李執到好夜，可能瞓得兩三個鐘.搭西北航空0815班機，點知話overbook，改搭港龍0915．約 3p到機塲．用JR Pass搭1646 Narita Express去橫濱 Yokohama．1846到逹．轉乘地鐵東急東橫線到馬車道站．入住 0既 東橫 Inn橫濱櫻木町,離車站出口極近．朋友，同事，旅遊書都推介Toyoko Inn．因為平靚正．網上預約，又唔使收訂．雖然房仔細細，牙膏，牙刷，沐浴露，洗頭水，護髮素之外，仲有熨褲板．大堂有水機，製冰機，可以上網，print野，打local 電話，都係免費0既．附近有便利店Family Mart 同Lawsons．

我地首先行去World Porters行下shop．跟住去紅磚倉庫,食KUA'AINA 0既夏威夷漢堡包，人氣牛油果burger,厚厚0既漢堡扒極 juicy!!!令人最回味0既漢堡包.

不過室內食就比較侷.紅磚倉庫1同2號館中間有條大道,坐係館兩館0既樓梯,吹住風,睇下夜景,好舒服.

苗圃步行活動

 21/10/07 將會參加苗圃行動--挑戰12小時

今日苗圃安排步行活動，讓參賽者熟識比賽路線．出發時間為8:30am

不過我同朋友就十一點十分先開始行．

我地由油塘出發－＞鯉魚門：唔少本地團黎．呢個地方幾有特色的．有0的古舊0既檔仔，連跳飛機都有．

行衞奕信徑3-5段，睇炮台啦，其中一段山路，有0的人型，動物公仔，晚上見到都幾恐怖．行到井欄樹　0既士多，買孖條食－－正！上山最辛苦，落山右膝有時會痛．雖然辛苦，但五六點左右到沙田拗，終於完成今日0既路程．今日只行了十六公里左右．要桃戰４２km．要繼續練習啦！（平時少行山，臨急抱佛腳．）

明早出發日本，東京，長野，白馬岳．．．我黎啦！

Back from Moalboal

 放假前病，放假病，菲律賓返黎都仲病緊．

家陣氣弱柔絲，左耳聽得不清楚，手損腳損，手0既傷口因為日日浸水，都發炎啦．但最緊要係個 trip好正，大家都玩得好開心！

乘夜機，約凌晨一時返到屋企．執下野．

下午三點幾，Wakeboard @ 淺水灣．

大家見我又黑又瘦，面青，病到個成個癌症病人咁．叫我聽日唔好去行山．不過我都係想去(21/10苗圃行42公里喎，仲唔練？我0既藉口)．

晚上到尖咀海運

翡翠拉面小籠包食飯．可能病到嗅覺同味覺都遲鈍咗，平時唔食得辣0既我，呢晚食辣野完全無問題.好味!

Moalboal Day 1

 一行六人(兩位教練，三個學員同我）搭凌晨機．到達宿霧機塲後，再搭 resort 安排0既車．若0600到達 Quo Vadis Beach Resort.兩個人一間屋.Esther 同我住0既 2號屋有電視(教練,Jesse,Alex住個兩間屋無0既)，冷氣，雪櫃，熱水爐等．洗手間有隻小強歡迎我地．落住雨，瞓一陣，0係 resort 0既餐廳食lunch.經我地0既測試員分析：呢度0既Mango Milkshake 係最好味架！Hamburger, pancake，意粉等都唔錯．一邊食，一邊睇住海景，睇下人釣魚．

餐廳隔離就係泳池．

行去 resort 0既 Panagsana Beach.沙灘上有好多生物，珊瑚，拾貝殼，螺0既人．好淺水都有好多海星，海龍，螢光藍魚，海刺，海蔘等

晚上行去 Italian corner．睇下師傅整薄餅．

用大大個剷

，張Pizza放落用柴燒0既磚爐．批極脆！！！必吃的！！豬肉螺絲粉，好好味！仲有炸雞．之後再去食串燒，飲酒．

Moalboal coming;Japan planning

 未試過一連放三星期0既大假．攞咗潛水牌之後，從未0係外國潛過．今晚就出發，乘0050起飛0既航機去宿霧，再去Moalboal.好彩的話，可以睇到鯨鯊的．

多謝Wu sir打點一切，Cookie借Boots同 Fin比我Buddy.仲有Jesse　0既幫忙啦！

時間好趕急咁．至於日本0既行程，我係菲律賓0既期間，就靠你啦，何金！

尋晚瞓唔到，因為病．今日返早，第一次0係自己醫院睇醫生.希望0的葯有幫助啦.放假，仲要去旅行先黎病，真討厭！

(咳!咳!咳!) 好！出發！

甩掉你！！！

 Dear P,

沒想過跟你一起這麼久，都怪我任性，愛玩火的性格，才跟你拖拖拉拉多半年．當初我沒有理會家人朋友的反對，他們怕我會受到傷害，但既然我選擇了，我不怕，就這樣開始了．一年後，本來我們要分開了，但我.....我想過隱瞞，但跟你一起這段日子瞞不了家人，瞞不了朋友．謝謝你一直以來給我的一份安全感．不過我不想每天再掛住你．我想有其他人比我更需要你，更適合你．我會祝福你們的！以後就讓你成為我的回憶．

Fion

今天去咗沙田牌照事務處加領電單車正式駕駛執照．唔使再掛住個 P牌啦！Yeah！
可以載人啦！

註：
......見超速

Sophia email給Sophia 前往Sophia的日誌

我又排隊,不過我最近重左=.=

2007-09-12 00:02:00tsz-mei tsz email給tsz-mei tsz 前往tsz-mei tsz的日誌

家姐. 我最輕. 我先我先 >0< 我以搶走你既Dear P為我下一個目標..  到時囉埋你隻羊咩咩.

2007-09-09 20:59:00email給 前往的日誌

熱切期待！ 算不上甚麼膽色，老朋友，當然信任你，更何況有天父看顧著哩 ！

2007-09-09 20:49:00肥安 email給肥安 前往肥安的日誌

Yes to Amanda's 1 st question.你都超重，唔係呀far. 嘩！都唔少人等著做我0既乘客喎．我0既朋友亦膽色過人 .不過我都未係幾敢載人住．或者搵細佬妹,近近地試下先啦. 面包，我夠無你咁捱得啦．

2007-09-09 17:25:00Ava email給Ava 前往Ava的日誌

我好想要你o既dear P, 不過一真無膽量, 我諗我都係無能力享受呢份安全感啦...

2007-09-08 22:16:00email給 前往的日誌

我可否申請排隊做乘客？ 我這麼笨拙，會否超重？

好運北京義工Day 2

 尋晚0係機塲亞洲博覽館睇完草蜢/容祖兒拉闊演唱會．返到屋企，差唔多一點鐘．瞓幾粒鐘，六點前到達粉嶺火車站．再到上水雙魚河做奧運馬術測試賽(越野賽)0既義工.我同一班Security Support(Transport)0既義工都係無工作証，所以要做個臨時0既工作証．點解？大家都覺得交通，膳食，制服等等，好多野安排都幾混亂．聽講以我0既division(Transport)最亂．

進塲後，同另一位義工搵咗好耐，先搵到我地On duty0既地點．期間問在塲0既工作人員．佢地有0的都係第一日黎，唔清楚．雖然落住雨，褲濕晒，對鞋都係泥．但我好享受呢段搵路0既時間，感覺好似旅行咁．0係比賽塲地穿梭．On duty 0既地點係觀眾上落車0既地方．仲有好多警察同民安隊一齊．工作0既人人數好似比觀眾仲要多.

回家睇新聞，參賽者對比賽塲地好滿意．有觀眾提出咗0的意見．希望下年奧運搞得順順利利啦!

舊同事

 收到Pilo 0既電話留言．Pilo係我大學畢業後第一份工0既同事．已經好耐無聯絡．唔知搵我咩事呢？原來佢個仔0係英國放暑假返黎，想搵人補數學．佢諗起補習就諗起我．傾下大家0既近況．又想當年．嘩！原來我離開大埔東華三院伍蔣惠芳護理安老院(個名係咪好長呢？)已經四年半啦．呢份工做咗短短三個月．同事好好．我仍然保留住同事自製0既farewell card 同我工作0既印章．我認識而仍在此安老院工作的只剩下Pilo，Ida和林主任．

今日同同事講開我以前考ＩＥＬＴＳ，因為諗住去外國撈下．同事驚訝問：”你幾時考個試架？你唔係諗住走訝？”會唔會走？唔知．或者有一日我會轉工，或者會再計劃去澳洲，加拿大，美國，又或者一直留係香港．無乜Planning．隨心所欲，隨遇而安．

Blog友及瀏覽者

 鍾意寫Blog,亦鍾意睇人地0既Blog.尤其是朋友0既Blog.可以知道佢地0既近況.我會check 返有咩人睇過我個Blog.瀏覽者通常係朋友,同事,中學大學0既同學,家人,至同道合的(義工,潛水,駕電單車....),同行 etc.呢幾日add 咗唔少Blog友．有好耐無聯絡0係稅局做暑期工認識0既Crystal.威記同事Yenyo.成日出黎玩，但近排至register Yahoo Blog 0既Winnie, Venus同曲奇．

多謝大家光臨！！！

歡迎訂閱!!!

或者我唔認識曾經係度瀏覽或留言0既你.我地亦有緣啊!互聯網係可以拉近人0既距離0既.

Insomnia -- 墨魚團生日會

 19/6 做 night ic. 唔錯0既一晚．只係收咗一個症，P更只剩兩個牌板要跟，case stable.平時唔使做night ic,我返夜通常都會打瞌睡．那晚整晚都好精神．之後那幾天先至係惡夢0既開始．我0既睡眠質素一向都唔好.偶爾會失眠．但持續0既失眠，已很久沒有．初初0係威記返工，因為未適應同工作壓力吧，失眠情況幾嚴重．呢幾日我都瞓唔到．好怕！！！唔夠精神，就易出錯．錯就累己累人．同事comment我平時反應慢，呢幾日就更加呆滯，又有點躁狂，變咗個怒漢．22/6返2:30p，瞓到兩點先起身．從來未試過，亦無諗過返P會唔知醒．雖然瞓咗半日，都好似無乜點瞓過咁．好辛苦！

２３／６放工同事見我情況仍然係咁，俾粒安眠藥我．叫我晚上唔好去釣墨魚，返屋企瞓．難得約到成三十幾人，仲有好多個我都識，兩個朋友今個月生日，我又點會唔去呢．午睡個半鐘後，駕車到西貢．以為修路所以塞車，純粹因為週末到西貢0既人太多.於碼頭等候時，人多到好似集中營咁，在場有警察維持秩序．好耐無見小熊，珠珠，曲奇.....仲有0的見過0既面孔，有人問:"你係咪以前爆炸頭那個....？"雖然大家都講唔出大家0既名字．對爆炸肥安有印象的，你早在兩年前夏天認識我．對於釣墨魚，我興趣不大，至在吹水，玩下，打麻雀，啤牌等．大家釣到0既墨魚或魚唔多.但食物貴精不貴多.我地有美味0既生日蛋糕同船家吳太0既炒鮮鮮,雞粥....(Yummy!)

24/6 今日八點起身．我想已 Back to Normal.精神0的!!!唔想再失眠呀!!!

Night ic

 尋晚返夜，Betty：”告訴你一個壞消息．Cap sick leave.今晚你做 night ic．”我覺得無乜野，因為case十三，四個都好stable，只係瞓得唔好，個人發牛豆．學生思敏好勤力，應鐘做野好快好醒目．夜麻麻睇咩policy..曾幾何時我都會咁做．始終唔係新人啦，已經無咗份衝勁．同慈姑上下網傾下偈．可能0係我係度返得最舒服0既一晚夜．慈姑叫我要遲過佢走，因為會唔捨得我．仲要我今年內要拍拖．嘻嘻！其他同事都大概咁講．多謝大家關心！

晚上到外婆家拜年．好耐無去外婆家．今年都幾齊人．外公，舅父，阿姨，長大了同未見過的表弟妹，只欠Pat神．食過飯，玩完UNO（好耐無玩啦．）媽咪班師回朝．Ester,Angus, Leo同媽咪0既台灣牌大戰又開始了.

"爭霸"家庭版

 呢幾晚ester都遲返屋企，屋企部影機壞咗，已掉了．所以呢幾晚ester返到屋企都係問返”爭霸”劇情．今日我放假，忽發奇想，同Jenny真人演繹俾ester睇．得啖笑．細個個陣我地四姊弟妹，會錄廣播劇．我通常負責講故事，細佬當然做王子．我地0既作品有"三隻小豬","青蛙王子"等,仲有個故事我唔記得咩名,係講隻狗唔見咗個鼻,去尋鼻的.

長大了,但細佬妹仍然陪我繼續傻

忙到無飯食

 有同事tea la,有同事接送病人,得返我一個0係病房．覺得自己好似變咗Dororo咁識得分身術．通塲飛，聽電話，跟巡房，答問題（病人，醫生，屋企人...)，針葯 etc...有個病人家屬問我：”護士長，佢幾時會做完手術返黎？”乜我似護士長咩，我都想有護士長0既人工．有時太忙招呼不周，大夫唔滿意，又要俾人鬧．平時見同事有時會做到無飯食．今日我第一次忙到咁．發晦氣＋講笑：”再無飯食，我轉工啦！”同事安慰下啦，讚我EQ 高，好脾氣，對住”老爺”都唔發脾四．”老爺”係某病人的老公．聽講由於太難頂，已經被某些私家醫院blacklist．其實我覺得”老爺”都唔係咁差，佢係煩0的囉.接更，唔好意思咁交俾P 更同事．

雖然今日咁忙，不過好開心第一次同Gigi，慈姑，志娟出去食tea.