day 4 a bit drunken

 晚上朋友帶我去pub食 steak. 今日星期五,出糧日,更多澳洲人出黎飲野.

我每晚0既晚餐都幾好架.第一晚豪食日本菜.三個人:兩碗飯,一碟煎三文魚,甘蝦壽司,煎豆腐,仲有盤刺身.第二,三晚係屋企煮.行去pub,途經university of Sydney,pub就係朋友工作0既醫院對面.有時會見到著住制服0既護士係度食野.同朋友0既朋友Yan三個人叫咗枝紅酒.我酒量唔好,飲到少少wing.傾下計,好開心.雖然好多時,我都聽唔明佢地講乜.黎咗澳洲幾日,都好少講同聽英文.今早那個fundraising orientation day同兩個 leader兩個鬼佬一齊,佢地講野大部份都聽唔明,又有人食煙喎,好唔自在.今晚可以同朋友同Yan一齊食飯,真好!Yan 好talkative,好搞笑,仲有好重0既星加玻 accent.我相信遲0的,我聽同講英文都會好好多.之後我地去King Street 一間café飲野.環境好舒服.0的cake好大件.兩件都夠三個人食.去Yan屋企攞完野後,行返屋企.除咗第一日由機塲搭coach去central station,我都無搭過車.每日都行唔少路.出一出超級市場買野,都要行幾個字.好彩平時都有行下山.
雖然我把口話唔客氣,始終都打搞朋友,又食又住.所以有時買野我都爭住比錢.睇過hostel住一晚都廿幾蚊.住係朋友度,慳唔少租.我覺得朋友好強呀.兩年前,一個女仔過黎,宜家仲可以take care埋我.我無佢咁強,但我會去學做個更strong 0既人.

Day 3 第一碟菜

 尋晚竟然瞓得幾好，成十一點先起身，瞓到流口水．食緊早餐0個陣 telesales叫我明早九點去見工．minimum base rate $17-20.我自問無佢要求0既excellent communication skill．只係本著試試無妨0既心態．

出門口我整返粒褸落條牛仔褲度．事源，我第一次用個隱藏式貼身袋，勒住個胃，食完飛機餐，爆呔，粒褸甩埋．本身我無諗過帶牛仔褲，剩係諗住帶0的快乾0既衫褲去．不過媽咪話牛仔褲襟磨．無帶皮帶，好彩朋友借條比我．
行去明天面試地點期間，見有間餐廳請待應，即管入去問問，老闆叫我放低 resume．再去Chinatown搵工．見到有間雪糕店請 casual junior staff．我以為 junior 即係低級，senior高級嘛．老闆娘話 u don't look like a junior.how old are u?澳洲有0的工按年紀計工資，所以快餐店通常都會請0的年紀細0既．又試過就咁走入間餐館問佢地請唔請人啦．見有post請sales，又係留低 resume．0係文具店影印resume ,店員建議我星期六買份報紙 .
去逢星期四至日 9a-5p開0既平價市塲Paddy's Market.由於朋友遲到,唔比入,咁我買0的菜啦($2三扎),我都唔知乜菜打乜菜,亂揀啦.呢袋可能係我第一次自己買0既菜.

返到屋企洗菜洗米.朋友教我炒咗碟腐乳炒唐生菜.簡直有點難以置信,我竟然炒到碟入得口0既菜.

黎緊仲會有好多0既第一次

你估下邊碟我炒0既?朋友仲滾咗,粉絲紫菜豬肉湯.呢度買野,乜都大大份,肉最少500g,菜呀,可以分幾餐食.
媽咪,返黎我餸你食. 自少被你寵慣,從來無動力去學.出發前,我都係諗住,煮下麵,食乾量架炸.最少我宜家識整碟腐乳炒菜.哈

Day 2 Job Hunting in Sydney

 護士呢行，唔憂無工做．黎澳洲前，已聽聞悉尼比較難搵工．黎到都真係覺得難．好多工要 permanent residency／相關經驗／資格．唔可以做本行，可以做咩呢？又要小心0的工會唔會騙人 ．今日一樣落住雨，我周圍行，去下agency，熟識下環境．住係朋友屋企，隔離馬路車聲不斷，我諗會一段日子無覺好瞓．今早又有少少肚瀉，掙扎過，不如抖多日，第日先搵工啦．但無工返無收入0既日子叫人好不安．今日見到唐人街某餐廳招請樓面，我都係未敢入去問．我0既膽無你地想像中大，自信心唔強，英文聽同講都係麻麻地．不過馬死落地行，繼續搵工．

呢幾日，剩係0係飛機上影過相．無乜mood．宜家無旅行0既感覺，為生活．我猶豫過打呢篇blog，怕你地擔心．不過我黎呢度先兩日，需要時間適應吧．又有朋友照住，今晚餐飯都係佢煮，我洗碗．又可以上網同屋企人，朋友MSN．

諗返日本outbound，行神山，潛水耳仔痛，做護士．．．樣樣都辛苦，有時都會諗放棄，但做到我之前唔相信自己可以做到0既野，辛苦，值得！我都係訴下0既暏，祝我快0的搵到工啦！

 

出發悉尼

 今晚2110飛去悉尼．之前諗，唔知可唔可以將0的野 pack 哂落個40L backpack +套裝喼個主喼．我妄想症，個４０L backpack可唔可以當 handcarry 呢？度幾度，梗係唔得啦．寄倉啦，要再執過0的野．最後我加多咗個細背囊．早上執行李，執到下午兩點幾．媽咪幫下我磅／執行李．我覺得好搞笑，都未試過去旅行，出發前幾粒鐘，都仲未搞掂．一邊執一邊笑．心情好輕鬆．

呢幾日，朋友都問我心情點呀？緊唔緊張？excited?你到時會唔會homesick架？
沙巴返黎呢一星期，日日farewell，兩晚無返屋企瞓，時間過得超快．有時感覺有0的唔真實咁．離開家人朋友，開始新0既生活．

離開，記得同你地0既約定：０９年返黎，參加你0既婚禮，一齊旅行，西藏，黃山，華山，峨眉...玩毅行，探你地．．．

沙巴回來後

 繼續 Farewell

6/4 臨別抽波(乒乓波)
     中女逛廟街
7/4 lunch @第一城
　 去運輸署搞電單車轉名手續
      返醫院還咭&探同事
      晚飯朋友親自下厨，最欣賞你0既黃金蝦！橙炆雞，我都係第一次食．你擔心我過到澳洲唔夠錢洗，擔心我無乜 planning....係我太老定，定你諗得太多呢？諗咁多都係因為關心．我希望過到去，到時你睇我個Blog，你唔使再擔心，會鄧我開心！臨走發現，原來朋友屋企可以Seal DVD，真好！我唔客氣，留低過夜，晚上seal 好沙巴之旅0既碟．
8/4 去房署，銀行，寫Sabah trip Blog．晚上同中學同學火煱，睇返你地舊年結婚同我去沙巴0既相，真開心！

今日終於可以 hea 下．執下野，同爸媽一齊留係屋企．
晚上再出動 ，好耐無同３A四個人一齊食飯．黃埔金不換泰國菜，好味！

Sabah trip day 8

 由於睇過螢火蟲同長鼻猴，我無跟大隊．自己搭十蚊馬幣的士去碼頭．睇書話Sulug island 浮潛最好，我又未去過最大0既Gaya island．本來諗住搭船去呢兩個島，但去Gaya island超貴，去其他島都係十幾廿蚊，Gaya island要成二百蚊．仲有唔可以自己一個人行，要有Guide的．

來自美國，係香港讀大學0既Mark．
咁我先去Sulug 再去Mamutik island ．Sulug island 係唯一一個無行山徑0既島．原來個島係無人架．得我同兩隻蜥蝪，爛厠所，垃圾....無救生員，我都唔敢自已浮潛．

Sulug island 上0既自拍.
Mamutik island有 條三百幾米walking trail，係一條餵蚊0既trail．唔理Jelly fish season照浮潛，唔見水母．不過0的魚好狼，咬到腳都損埋．
晚上鋤大D．原來我都唔係咁爛玩．同呢班朋友唔休息喪玩0既朋友一齊，我投降啦！

jackie email給jackie 前往jackie的日誌

張孤島自拍照好好feel啊~~! 海風仲要吹到個頭好似飄零燕咁..... 你行動都好快wor, 放底相機即刻爬上樹枝坐底擺pose, 勁啊!

於2008-04-09 10:08:00回覆

To jackie

一個人去旅行，我0既自拍可能越來越掂 孤島自拍，較咗３０秒，然後跑上樹連拍１０張，好好玩哩！

Ava email給Ava 前往Ava的日誌

 張相好靚, 好有feel, 跑十幾次, 值得啊.  

Sabah trip day 7

210旅遊

凌晨兩三點出發，高山反應，山又斜，有時要拉繩上．聽講一年都跌死幾個人．potter/guide/teammate見我又累又怯 &論論盡盡，都幫我一把，無你地，我都唔知上唔上到去呢個東南亞最高，四千米多0既神山．

上可以同班friends一齊上到山頂，睇到咁靚0既景，絶對值得！

座山係隻馬騮樣，你見到嗎？

山頂好細，加上人多，唔可以停留太耐．

有一段我跑落山，好好玩！

想去神山，可以上　http://www.suterasanctuarylodges.com/

天公算是造美．後段落山先落雨．
返海旺城茶餐室，足料肉骨茶，馬拉雞，淡水非洲魚，唔膩勁好味芝士蟹．未食過咁大隻老虎蝦！

八個人每人都係七十蚊馬幣．黎KK，一定要黎呢度食！