day 14 Go!糕!糕!

 一開波煎腸粉,個客想煎脆0的.煎咗好耐,我咪較大個火囉.煎好我較返細個火,不過為時已晚.又燶又煙.姐姐亞頭叫我推埋一邊,幫我搞掂.如果比經理見到,我諗佢會好似我架點心車咁,出晒煙.我唔敢再較大個火啦,慢慢煎.一邊煎,一邊同0的客傾偈.我問個住係英國0既華人,蘿蔔糕0既英文係乜.”turnip”佢仲糾正我0既讀音..之前有個女仔問我0的馬蹄糕係咪chestnut.但我上網查chestnut係栗子.之前問同事,佢地都係唔識0的點心英文,可能因為講廣東話0既客比較多.返屋企問朋友,佢教我馬蹄係water chestnut.煎腸粉係pan fried rice roll.白蘿蔔Radish.

另外呢度0的點心乜點打乜點,死記.窩貼賣$8.5.頂點0既蝦腸都係$6.5.炸0既野都貴.無料煎堆大點.咁我不如食個有奶黃0既菠蘿包,或者蛋撻,.都係小點.朋友今日帶咗我部相機黎飲茶.可惜佢好遲黎,我送咗兩碟點心比佢後,要去洗茶壺.有機會,叫佢再黎飲茶,幫我影相啦

返工前我去郵局攞由香港speedpost寄黎我0既nursing certificate.放工legal center揾個Justice of Peace幫我chop印,証明我0的certified true copy.如果係香港澳洲領事館一個chop$120.揾律師就$500十個.家陣係澳洲,好好利用呢度0既免費service.