這幾天我繼續好早起身6/7/8點.今日落雨,悉尼:你也不捨得我嗎?前兩晚如常到yha,同朋友farewell dinner(我farewell 咗咁多人,今次輪到我啦),繼續認識新0既朋友.新朋友Alice問:”你就係傳說中0既Fion?”哈!因為好多backpacker都問佢識唔識我.0係YHA 22人飯局我講過,"I remember every one of you."希望你地都記得我.
離開悉尼,一個我住咗五個幾月0既地方,真係好唔捨得呢度0既人同事.對於新0既旅程,黎緊0既體驗,好excited,好期待!.希望黎緊Darwin->Broome高温下喪行山wild camping團,我捱得住啦(日本長野同沙巴神山之旅,我都行到死死下).係悉尼,學煮餸,學外語(主修英語,副修日語,國語….
),離鄉別井,適應新環璄,家陣我係強化版0既Fion黎!哈!哈!哈!不過係悉尼,我同朋友住,有朋友照住.同埋悉尼同香港好似,講東話,多過講英文.離開悉尼,我真真正正on my own.從頭黎過,揾工,建立社交圈子,安排行程,黎緊要兼顧埋住.
另外我已經中咗Blog毒.Blog都寫三個:yahoo, xanga, msn.係香港係悉尼,我都差唔多要日日上網.好鍾意同你地係msn/facebook chat.離開悉尼後,無咁多機會同你地網上contact.對我0既一大挑戰吧!我鍾意悉尼,因為似香港.我怕悶.寧願忙.但我想我會喜歡澳洲其他地方,呢度有長長0既沙灘,藍天白雲,大自然,友善0既人……謝謝大家的祝福!!!我會繼續去享受,同你地分享!!!!
沒有留言:
張貼留言