better

 終於打到中文啦!!!!實在太開心!!!!

今個星期感覺好好！因為住sharehouse有得上網，宜家仲可以打中文。有工作，有朋友。係Perth同舊朋友 Leon, Queenie, Daisuke,Biscuit見面聚聚.仲有新朋友.
今個星期好好彩。星期一至六都有工返。之前我覺得每日等Agency call,好憎.去醫院,做陪人0既工作,好悶.但宜家覺得有工作就好了.知足常樂.酒店同事又好。Quest Subiaco呢間酒店0既工作唔太辛苦.呢兩日開工時間,我地仲成班同事食早餐.我主要都係洗下厠所,吸下塵,鋪床.....簡單.今日收工,仲拎咗唔少執房0既剩餘物品返屋企.慳唔少.我係backpacker 嘛.

今早收到個係農場工作朋友0既電話.可憐佢,去完酒吧,比人打.我叫佢報警.前日同朋友食飯.佢係perth有日去完圖書館比人跟蹤.佢懷疑兩個跟蹤佢0既人想打劫.我諗都係,之前我去bambu/deen.朋友忠告我唔好走返圖書館個邊,因為有人係個度比人打劫.本地人亦話Perth治安越黎越差.之前又聽到0的亞洲人係澳洲被打劫/殺害0既新聞.身處外地,格外小心啊!