4/1 覆診後,我都唔係幾敢行太多.用枴杖出過街兩次.唔用枴杖,落過樓下兩次.今朝我同媽咪講,我自己去睇醫生得勒.雖然我未完全行得正常,行得慢0的,但無痛.媽咪堅持陪我.
今次係比較大粒個醫生(係娜打素醫院幫我隔離床Susan做手術的.Susan讚佢好好的)醫生睇我張片,右面仍然成條裂痕.佢問點解我撞得咁傷,係咪成個人拋咗出車.如果上面都斷埋的話,要做手術的.問我仲敢唔敢再玩.我乜都唔敢玩啦!
佢幫我檢查個陣有0的痛.問我行唔行到兩個鐘.我又未試過喎.佢叫我可以就自己感覺,唔痛就可以行.記得私家醫院個醫生同我講4-6星期骨生返埋,我自己睇書上網都寫恥骨骨折4-6星期heal.我康復進度係咪好慢呢.醫生又話:係咁耐.
醫生話我可以試下返工,不過係一日三,四個鐘(呢0的工,我知有,不過好少囉).前日朋友問我可唔可以幫佢教毅進課程.我不喜歡教書的.小學見0的老師咁勞氣,自問無乜耐心,我大個唔會教書的.不過我好多時都係諗人地先,呢個係我好好0既朋友.我又膽粗粗應承咗.11/2教第一堂.教到五月,總共八堂.20/2要出晒考試題目.
宜家準備下0的教材(雖然我提唔起勁)
HI* 我都係12月頭撞左車架～ 你好叻呀! 咁快可以行～我仲坐緊輪椅呀。。。 希望大家都快Ｄ好返啦！！
做老師?好厲害呀!不過就住行,唔好太辛苦!
教D咩架?
犀利呀~FION~~俾個叻你先~~
勁呀，當老師了！不過要小心行動呀，慢慢行啦 !
沒有留言:
張貼留言