2007年6月30日星期六

舊同事

收到Pilo 0既電話留言．Pilo係我大學畢業後第一份工0既同事．已經好耐無聯絡．唔知搵我咩事呢？原來佢個仔0係英國放暑假返黎，想搵人補數學．佢諗起補習就諗起我．傾下大家0既近況．又想當年．嘩！原來我離開大埔東華三院伍蔣惠芳護理安老院(個名係咪好長呢？)已經四年半啦．呢份工做咗短短三個月．同事好好．我仍然保留住同事自製0既farewell card 同我工作0既印章．我認識而仍在此安老院工作的只剩下Pilo，Ida和林主任．

今日同同事講開我以前考ＩＥＬＴＳ，因為諗住去外國撈下．同事驚訝問：”你幾時考個試架？你唔係諗住走訝？”會唔會走？唔知．或者有一日我會轉工，或者會再計劃去澳洲，加拿大，美國，又或者一直留係香港．無乜Planning．隨心所欲，隨遇而安．

2007年6月27日星期三

Blog友及瀏覽者

鍾意寫Blog,亦鍾意睇人地0既Blog.尤其是朋友0既Blog.可以知道佢地0既近況.我會check 返有咩人睇過我個Blog.瀏覽者通常係朋友,同事,中學大學0既同學,家人,至同道合的(義工,潛水,駕電單車....),同行 etc.呢幾日add 咗唔少Blog友．有好耐無聯絡0係稅局做暑期工認識0既Crystal.威記同事Yenyo.成日出黎玩，但近排至register Yahoo Blog 0既Winnie, Venus同曲奇．

多謝大家光臨！！！

歡迎訂閱!!!

或者我唔認識曾經係度瀏覽或留言0既你.我地亦有緣啊!互聯網係可以拉近人0既距離0既.

2007年6月22日星期五

Insomnia -- 墨魚團生日會

19/6 做 night ic. 唔錯0既一晚．只係收咗一個症，P更只剩兩個牌板要跟，case stable.平時唔使做night ic,我返夜通常都會打瞌睡．那晚整晚都好精神．之後那幾天先至係惡夢0既開始．我0既睡眠質素一向都唔好.偶爾會失眠．但持續0既失眠，已很久沒有．初初0係威記返工，因為未適應同工作壓力吧，失眠情況幾嚴重．呢幾日我都瞓唔到．好怕！！！唔夠精神，就易出錯．錯就累己累人．同事comment我平時反應慢，呢幾日就更加呆滯，又有點躁狂，變咗個怒漢．22/6返2:30p，瞓到兩點先起身．從來未試過，亦無諗過返P會唔知醒．雖然瞓咗半日，都好似無乜點瞓過咁．好辛苦！

２３／６放工同事見我情況仍然係咁，俾粒安眠藥我．叫我晚上唔好去釣墨魚，返屋企瞓．難得約到成三十幾人，仲有好多個我都識，兩個朋友今個月生日，我又點會唔去呢．午睡個半鐘後，駕車到西貢．以為修路所以塞車，純粹因為週末到西貢0既人太多.於碼頭等候時，人多到好似集中營咁，在場有警察維持秩序．好耐無見小熊，珠珠，曲奇.....仲有0的見過0既面孔，有人問:"你係咪以前爆炸頭那個....？"雖然大家都講唔出大家0既名字．對爆炸肥安有印象的，你早在兩年前夏天認識我．對於釣墨魚，我興趣不大，至在吹水，玩下，打麻雀，啤牌等．大家釣到0既墨魚或魚唔多.但食物貴精不貴多.我地有美味0既生日蛋糕同船家吳太0既炒鮮鮮,雞粥....(Yummy!)

24/6 今日八點起身．我想已 Back to Normal.精神0的!!!唔想再失眠呀!!!

2007年2月19日星期一

Night ic

尋晚返夜，Betty：”告訴你一個壞消息．Cap sick leave.今晚你做 night ic．”我覺得無乜野，因為case十三，四個都好stable，只係瞓得唔好，個人發牛豆．學生思敏好勤力，應鐘做野好快好醒目．夜麻麻睇咩policy..曾幾何時我都會咁做．始終唔係新人啦，已經無咗份衝勁．同慈姑上下網傾下偈．可能0係我係度返得最舒服0既一晚夜．慈姑叫我要遲過佢走，因為會唔捨得我．仲要我今年內要拍拖．嘻嘻！其他同事都大概咁講．多謝大家關心！

晚上到外婆家拜年．好耐無去外婆家．今年都幾齊人．外公，舅父，阿姨，長大了同未見過的表弟妹，只欠Pat神．食過飯，玩完UNO（好耐無玩啦．）媽咪班師回朝．Ester,Angus, Leo同媽咪0既台灣牌大戰又開始了.

2007年1月30日星期二

"爭霸"家庭版

呢幾晚ester都遲返屋企，屋企部影機壞咗，已掉了．所以呢幾晚ester返到屋企都係問返”爭霸”劇情．今日我放假，忽發奇想，同Jenny真人演繹俾ester睇．得啖笑．細個個陣我地四姊弟妹，會錄廣播劇．我通常負責講故事，細佬當然做王子．我地0既作品有"三隻小豬","青蛙王子"等,仲有個故事我唔記得咩名,係講隻狗唔見咗個鼻,去尋鼻的.

長大了,但細佬妹仍然陪我繼續傻

2007年1月14日星期日

忙到無飯食

有同事tea la,有同事接送病人,得返我一個0係病房．覺得自己好似變咗Dororo咁識得分身術．通塲飛，聽電話，跟巡房，答問題（病人，醫生，屋企人...)，針葯 etc...有個病人家屬問我：”護士長，佢幾時會做完手術返黎？”乜我似護士長咩，我都想有護士長0既人工．有時太忙招呼不周，大夫唔滿意，又要俾人鬧．平時見同事有時會做到無飯食．今日我第一次忙到咁．發晦氣＋講笑：”再無飯食，我轉工啦！”同事安慰下啦，讚我EQ 高，好脾氣，對住”老爺”都唔發脾四．”老爺”係某病人的老公．聽講由於太難頂，已經被某些私家醫院blacklist．其實我覺得”老爺”都唔係咁差，佢係煩0的囉.接更，唔好意思咁交俾P 更同事．

雖然今日咁忙，不過好開心第一次同Gigi，慈姑，志娟出去食tea.

2006年6月14日星期三

印尼峇里島 Bali day 3 & 4

Day 3

唔使三分鐘車程到酒店住於南灣的海灘玩水肺潛水，第一次成群魚係我面前，身邊游來游去，第一次俾魚咬手指．睇到好靚珊瑚，大貝殼，大大小小長的魚．．．好正啊！！！伴我潛水的Rino於水底拾了條硬珊瑚，可以當粉筆用，我們於石頭上寫上我們的名子．因為幾大浪，上快艇時我喝了少少鹹水，真係玩到嘔．JoJo後悔無帶潛水相機影低０的靚影．係水度潛左四十五分鐘～USD45.潛完水都唔夠時間玩跳傘（US$15），水上電單車，滑水etc

海龜島除了有海龜，還有蝙蝠，蜥蜴，蛇，鳥，鬥雞．印尼主要由婦女工作，男人留在家中照顧小孩，玩樂，所以成日鬥雞．

下午搭車上山，玩二級激流（安全又好玩），有瀑布，成０炸蝙蝠．