2005年3月5日 星期六

雪嶽山,首爾 Day 5

明洞,見到下雪(好似塵咁細),唔留意都唔覺.
想買化妝,護膚品,可以到Minimore.那裡的貨品較齊全,便宜少少.
如果購物,要求紙袋膠袋,需付W100.
明洞餃子,成個包咁大,無乜特別的豬肉餃子.





係韓國吃的不外乎火煱,燒烤,豬肉,泡菜,紫菜.特色0的有人蔘燉雞,石頭飯.士多啤梨都好抵好好食.

2005年3月4日 星期五

雪嶽山,首爾 Day 4 Lotte World

乘地鐵到蠶室站Jamsil 去Lotte World.車廂內有電視,電子屏幕.行車時,係車廂內覺得唔係咁穏.

座位上面有架擺放東西

有兩排位預留讓座比老人,傷殘人士和孕婦
Lotte World夜塲1700-2300任玩套票W26,000 雖然我無追天國的階梯,不過我都知道下呢個溜冰塲,壁畫,迴旋木馬





Lotte World 有個色費的民俗博物館,出口於商場.因此之前職員會幫你於手上印一個水印.當你遊畢博物館,再進入樂天世界時,職員會用紫外光燈,照照你的手,有水印表示你已購票入場.


1400 & 1930 室內有 花車巡遊,有好多可愛卡通公仔,dancers,有人踏高橋等.2130室內有 Laser show.


聽朋友對樂天世界的comment都唔係咁好.我覺得唔係喎.裡面好多野玩.夜景好靚,的公仔仲好得意.我地五地幾入塲,玩機動遊戲時都唔使點排隊.值得推介0既係室外的西班海盜船過山車,可惜跳樓機無開.我地仲玩0左好多野,鬼屋,室內海盜船,洗衣機,monotrail(同熱氣球一樣,會係室內繞場一周,有時monotrail會駛出戶外的),激流等

誠俊哥問靜書:”愛情係咩?”然後答:”愛情係會返黎.”跟住就擲左呢個回力鏢出去.我都買左個呀.


2005年3月3日 星期四

雪嶽山,首爾 Day 3 everland

出發到Everland,首先到野生動物世界.
虎獅獸


今次我仲餵熊人食餅,搞到一手都係佢0的口水.



如果大家鍾意羊咩咩,可以強行捉住佢地黎影相,如果你捉到0既話.咁0岩呢位團友又捉到隻,我地又搭單影張先.
呢個係阿瑪遜河直通車F4?加強版?
今次黎多左個洗衣機,唔錯唔錯.上次玩唔到0既驚魂鯊魚,正!我不過雄鷹要塞(懸掛式過出車),都係無得玩.我地同一大班團友一齊玩幻想特級(過山車),龍捲風鬼屋(係射擊遊戲),摩天輪,碰碰車,滑浪飛船,海盜船等.有過上次玩天旋地轉0既經驗,今次我有心理準備,無玩到嘔,但聽說有團友真係玩到嘔.

可惜雪兜 無開,四季花園 又 under construction.如果大家有興趣,可以坐下公仔車.
有興趣可以係shop度買個動物頭套,你係Everland會見到呢0的羊呀,老虎等等等等

焗脆條W2,000,甜甜地




離開真係唔捨得,尤其係呢班咁可愛0既卡通公仔.臨走當然要同佢地拍拍照,跳跳舞.
之後去東大門,這裡的東西比明洞平,記得講價.入住New Rasung Hotel,離市中心成個鐘車程.




2005年3月2日 星期三

雪嶽山,首爾 Day 2

起程住鳯凰城滑雪塲,見到個寫住 plaza land 0既theme park,我估可能係江原神奇冒險樂園,睇落好細,有過山車,海盜船等.

今次係我第一次滑雪,教練只係教我地點著裝備,咩A字停.練左一陣,Holly和我乘吊車上初級滑雪道.當我第一次滑下,估唔到咁斜咁快,又唔識停喎,快到撞歪0左個欄,右腳的雪橇都飛脫.雖然撞到膝頭瘀哂,好刺激啊!好彩Holly幫我保管住部相機.如果部相機同我一齊咁跌法,實散.係0的咁凍0既地方,相機唔用,就要放返好.冷親部機就好易壞架啦.另外我地又乘纜車往較高的住置,那些滑雪道好斜架.仲可以玩狗拉車,雪兜等.

2005年3月1日 星期二

首爾,雪嶽山Day 1

我們入住雪嶽山韓華度假村
度假村隔離係Waterpia溫泉水上樂園
可以穿泳衣,要戴泳帽(租W1000),玩人造浪,需租救生衣W6000,滑梯
亦有唔穿泳衣的區域,那裡有人參按摩W40,000,擦背的服務
一面睇雪山,雪景,一面浸溫泉,都幾正!
如果要租野:先付W20,000 服務員會俾條紙手帶你,0都機,有錢剩就係離開前退返比你
我地係東海海鮮街魚生餐(W30,000).最好味係生蝦,好生猛,係張枱度跳下跳下,食度脆脆地.,海膽就麻麻.食八爪魚時其實都好殘忍.我咬住一佢一隻腳,師傅就剪斷佢,跟住條八爪魚腳係我條脷度爬下爬下.不過見條八爪魚係被吃前係團友塊面爬下爬下都幾趣怪.

東海分隔日韓兩國的
可以對住東海放煙花
韓式度假村可以訓地(榻榻米)會比訓床暖

Day 1 雪嶽山

由仁川機場到雪嶽山國立公園大約四,五小時的車程.
夫妻樹


小販只隔著膠袋坐著擺賣麥芽糖,年糕等.見到佢地仲凍!
新興寺
大佛如果時間充裕的話,可以坐登山纜車,走走行山徑睇下瀑布.
若自己去雪嶽山,先從首爾乘巴士往束草市,再乘巴士往雪嶽山.