2015年3月28日 星期六

中東歐遊 Day 13 速遊莫斯科

早上四點幾到莫斯科SVO機塲,乘客鼓掌。出境時,聽唔明個女職員講乜。我講:"English?”。佢答佢已經用緊英文。跟住就盤我0既口吻,叫我攞張機票出黎,問我出境做乜同住邊。我本特區戶照五月到期,成功出境。後來問朋友,護照六個月有效係旅行社吹出黎.
機塲試晒咁多部有銀聯標誌櫃員機都提唔到款。用EPS買咗半小時一班機塲快線aeroexpress
RUB 900來回。車程35分鐘.aeroexpress 坐得舒服,wifi,有人推車賣食品,野飲.7.30am出到市區,-1,2度吧,好大風,超凍.附近無乜英文指示.男友急尿,但無盧布比厠所費.行出火車站,我地見到個換錢標誌,不過未開門.清潔女工手用勢話我地知八點開門.隔離見0的人睹緊波.有人係厠所出黎,男友衝咗入去.我等男友時,有個男友禮貌地,指我出去換錢個度.男友出黎,個保安兇神惡刹趕我地.搞掂篤尿,我地去揾櫃員機.之前有網文話係莫斯科機塲找換店換錢,匯率已經差,仲收20美元手續費.係火車站,終於成功提款.
去地鐵站買飛,雖然言語不通,賣飛個嬸嬸好友善.我指住St Basil Cathedral 張相,嬸嬸係我網上print矇到睇唔到字0既地鐵地圖,mark 低我地身處同將要去0既地鐵站.想揾張地鐵站圖都冇.單程票RUB50,唔限站數. 搭綠色線,三個站就到紅塲Red Square.地鐵好舊.

莫斯科大劇院The State Academic Bolshoi Theater of Russia
St Basil Cathedr聖瓦西里大教堂
國立歷史博物館 National History Muesum


雖然天氣晴朗,但實在太凍,男友頂唔順,莫斯科速遊大概兩小時,10.30amaeroexpress 返機塲.期間望出車廂,地上有雪.我曾經諗過去週末跳蚤市場.不過0的站實在太難睇,真係搞唔掂0的俄文,男友又對俄羅斯無乜興趣. 我手上只有一份馬蜂窩 http://www.mafengwo.cn/ 資料.係莫斯科無旅遊資料攞.感覺當地人唔會點幫你,又少英文,感覺不安.
係機塲hea,等晚上七點幾機.係餐廳坐咗好耐.男友買野時,職員講俄文,溝通唔到.幸好有個同我地差唔多年紀,會英文同普通話0既俄羅斯男人幫忙翻譯.串燒同蕃茄湯好飲,沙律好苦.


29/3/2015 Day 14 早上未到十點返到香港。呢兩晚都係機上瞓,好累。好掛住阿媽煮0既野.好想食湯粉麵同菜
大過塊面0既温泉餅超甜,包裝好簡單,我估本身應該好脆吧.
手信係捷克買0既,有極香0既士多啤梨果茶,温泉杯,铅筆同bath oil
參考書捷克睇得最多係JTB 同紅色0個本.維也納睇" So Easy 開始到維也納看莫札特",仲有薩爾斯堡0既資料添

覺得捷克維也納人都好禮讓. 連楂大貨櫃車0既都會停低讓我地過馬路.有次維也納停咗一大堆人,就因為等我男友影相


連續兩晚0既凌晨機,我Jetlag 咗個幾星期. 雖然影係CK 影pre wedding幾辛苦, 但影咗好多靚相. 玩兩星期,二人使費兩萬六左右,好抵玩! 















2015年3月27日 星期五

中,東歐遊Day 12 遊維也納市

6度有雨,好凍.由酒店行去霍夫堡Hofburg( Imperial Palace)15分鐘好多馬車.途經
希臘大碌柱建築0既parliment 國會大廈
唔知係咪有政要到,黎咗好多警察
經過瑪麗亞.泰瑞莎女皇像,下面0既雕像有莫札特同海頓有人賣花同推銷歌劇飛.
霍夫堡Hofburg( Imperial Palace)
被惡搞咗做小丑

去咗Museums Quartier附近間Cafe 避雨.維也納係歐洲咖啡發源地.我地兩個都係點latte,我杯好淡.cafe 內好多人煲煙.厠所,男人的話,有兩個價,小便 EUR 0.2.開大EUR 0.5 . 行約15分鐘到感恩教堂Votivkirche建於1879.揾奧地利菜食.唔似捷克咁寫明 'traditional Czech food”.我地揾咗陣,0的字睇唔明,應該係奧地利菜吧.睇書話奧地利炸豬扒好食.我點個fried pork EUR16.9,
原來係煎豬肉,配魚子,薯蓉,好好味炸驢魚魚柳加湯,抵食 EUR 9.9 .湯內粉團有D 似粽,唔錯! 熱茶加 Rum 酒好好味! 期間我望到有枱年長過我0既男女,又攬又鍚.今朝係酒店食早餐時,隔離枱都係咁.歐洲人真恩愛!侍應收野時,問我呢餐點,我話好好味! 佢報以笑容.天氣咁凍,我地係餐廳hea 咗好耐,hea 到走剩我地一枱.
行去Central Cafe(隔離有個靚mall),附近郵局寄postcard .經過 St Stephen Cathedral.
經過

三位一體紀念柱

得意塗鴉,令我諗起元朗0既塗鴉牆行到去百水公寓 Hunder Swasserhaus記得睇電視介紹過呢棟奇怪建築,由邊個角度睇,柱都係揹揹斜斜.呢度係私人住所,內部唔對外開放
返酒店攞行李,搭地鐵去Lanstrabe站. 男友想食亞洲菜.行到間 Restaurant Marco Polo,見個名,以為係意大利菜. 全部都係亞洲菜,仲有迴轉壽司。因為要等凌晨機,見呢度靜靜地。餐牌內點心相都幾醜。我個日式便當幾難食下。男友叫個菜炒雞都ok,較濃味。呢餐EUR 23.7.
City Airport Train(CAT) EUR 12,半小時一班,16分鐘到機塲。

































Photo Album 

2015年3月26日 星期四

中, 東歐遊 Day 11 維也納 Vienna

搭地鐵去St Stephen Cathedral ,本來諗住睇咗咁多教堂,唔會有咩驚喜.入到去覺得係另一種美.
朋友托我地去地鐵 Kaisermuhlen 0United nation Vienna 寄名信片.不過我地到達,保安話只有職員先可以入.

Donauinsei 站附近影日落
多瑙河旁有個大彈床

搭咗個站到Vogartenstrabe, 係地鐵站附近0既意大利餐 Nikita Dal Russo https://www.facebook.com/pages/Nikita-Dal-Russo/420096151337287
食pizza,蘋果批,沙律同 honey cake. 侍應個樣嫌我地叫得少
我地食量點及0的鬼佬,一人一個大 pizza. 好好味!
食飽行下. 有個唔錯0既教堂
男友影呢張相0個陣唔知原來有一大班人驚阻到佢影相,一直在等. 維也納人0既素質真好.
奧大利出名水晶,行無耐又見一間又行返去St. Stephen Cathedral

搭返去 Karlsplatz地鐵站
巴洛克建築0既卡爾斯教堂
貨櫃音樂會




























Photo Album

中,東歐遊 Day 11 熊布倫宮

買咗24小時任搭地鐵車飛. 搭地鐵到Schonbrunn站, 去熊布倫宮/麗泉宮/美泉宮 Schonbrunn Palace www.schoenbrunn.at 起初有雨,後來天晴.熊布倫宮呢個熱門景點好多人.自助售票機可以買 imperial grand tour 0既票, 唔使點排隊.我去咗排隊買classic 票EUR21(Grand tour,迷宫, 兩個花園同凱旋門) 排緊隊個陣,有個話自己英文唔好0既維也納人主動同我傾.佢推介霍夫宮,slovakia,要由維也納搭火車去,.原來我排隊期間,男友比個大肚婆塞咗枝花,男友比咗EUR 2 (一枝玫瑰係店賣都係EUR 1).個女人收咗錢仲嫌小,男友比返枝花佢.如果我在塲,我一定唔會比錢個女人.
跟住票上時間排隊參加Grand tour. 行皇宮幾十間房,拿住個耳機(有英語同普通話)邊行邊聽,行咗成個鐘.入面除咗有西方畫,仲有印度同關於中國0既畫(最搞笑係D畫畫到中國人好似鬼佬咁),仲有中式瓷器同屏風,因為有個皇室成員鍾意亞洲.當中0既故事包括政治婚姻,莫札特,愛美皇后(畫內佢條腰幼到呢),皇室成員0既興趣,例如園藝同打獵
Orangery garden 冇野睇 ,單買EUR 3.5
Zugang garden 免費
無水0既水池
由花園望上凱旋門
行上山到達凱旋門
由凱旋門望返落熊布倫宮

Classic Pass 包迷宮(單買EUR 5), 仲有個遊樂塲同沙地,啱小朋友玩我地張飛包Romantic garden(單買EUR 3.5),我地係外圍望入去,已知無野睇.始終宜家係冬天,無花真可惜.

建議買Imperial tour行下個皇宮.再慳0的,剩係係公園同外圍影相,飛都唔使買.
銅像好得意,呢個好似毑毑地咁,唔同佢係鬼佬版花木蘭呢個銅像,你地睇唔睇到有個人托住呢對情侶?
























Photo Album