2014年3月29日 星期六

菲律賓 Donsol Day 5

離開當日天氣好好,陽光普照,水又平靜.
有幾隻睇鯨鯊0既船


酒店 reception 記錄每日睇到鯨鯊數目.我地睇0個兩日都有係得一條. 三月下半月,每日都有2-5條.








酒店泳池放咗花瓣,幾浪漫







司機車我地去機塲時話, 2016 香港同Legazpi 會有直航機







legazpi 機塲上機前,隱約睇到個火山頂. 轉頭完全被雲遮晒



內陸機塲稅p75國際機塲稅p550




每次我去菲律賓,總會有朋友0既反應 :"你唔好去呢0的地方啦!"
我去過菲律賓0既島,0的人都好友善好純. 馬尼拉感覺就唔好.我都唔鍾意菲律賓個總統,但旅遊黎講,菲律賓的確係平靚正! 旅遊係開心0既事,少點仇恨,多點去享受吧!






2014年3月28日 星期五

菲律賓 Donsol Day 4

八點幾再次跟尋日帶我地個職員出發睇鯨鯊,見咁多雲,我都唔抱太大期望. 剛開船,見職員祈禱,我同男朋友都祈禱。今日好快揾到條鯨鯊,職員叫我準備,本來由船左邊落水,後來又改到右邊,動作慢0的都搞唔掂。職員同我跳落水,拖住我好快咁游,距離我三米左右,由於能見度低,我見到條鯨鯊尾。同尋日一樣,今日全日都係一條。不過我都總算見到。之後落好大雨,係船上有0的涷.十點幾我地叫船家返dive shop.

返resort 房間睇電影blackfish關於美國SeaWorld同 Sealand等海洋主題樂園點對待殺人鯨同訓練員.另外仲睇咗套關於台灣捕鯊0既片.
對住沙灘坐坐,餐廳職員送上免費菠蘿串










6.30p由resort 出發去個碼頭仔. 坐船遊紅樹林睇螢火蟲,好靚啊!

呢度全年有得睇螢火蟲
我地邊睇,導賞員一邊講解
有時螢火蟲會飛到我地身上,逗留好幾份鐘
係碼頭隔離間餐廳May Kamayan Restaurant p400
蟹,蝦,棷子甜品,香蕉,炸雞,飯同麵
菲律賓人係用湯匙

枝棍係比外國人拆蟹用


2014年3月27日 星期四

菲律賓 Donsol Day 3

終於到主菜--睇鯨鯊
又係包船.船上有成四個工作人員,客得我地兩個.規定每隻船最多六個客.八點幾到dive shop.海面有浪,多雲有雨,咗兩個幾鐘,都係無發現.本來船只行三小時,船家見無發現,加多一個鐘比我地,但最後都係食白果.今日出咗九隻船,其中四隻見到一條鯨鯊.帶著失望0既心情返resort,希望聽日見到啦!




Hea 行沙灘
因為影張相,男友被船主鬧. 















行咗去另一間resort 晚飯.對著沙灘螢火旁,兩張餐訂已有人預訂.
抬頭就係一片星空








晚飯後,我地去咗揾下午鬧男友個船主,請佢飲野賠罪.佢係英國人,係酒吧老細兼潛水教練,佢係pub 旁起緊間dive shop.佢話二月有0的人等好多日都等唔到鯨鯊.三月就日日都有.祝我地明天好運.另外佢推介附近Baracuda restaurant 0既海鮮,攞獎0個喎
呢個trip雖然我地好多時間係戶外, 無乜蚊喎,唔錯!







2014年3月26日 星期三

菲律賓 Donsol Day 2

今日行高2421米 火山Mt. Mayon。二人包團,有個導遊,同一個挑夫。
八點幾開始行,行行下落大雨,有時亦要手腳並用。呢0的就係讀生態班學0既火成岩,火礫岩...山上有監察火山爆發0既儀器。但導遊指舊五月那之爆發,預測唔到,有人山上被困,佢去山上營救。佢地戴住頭盔,但山上碌落黎0既石頭,隨時攞佢地命。事實上,0個次事件亦有傷亡.導遊好勇敢,係個英雄。另外佢叫我望一望山下一條S型黑色線。原來2006有次火山爆發,0個條S字係溶岩,溶岩流向村莊,毁滅咗條千人0既村莊。聽到咁危險,大家仲敢唔敢去呢個火山玩呢?由於我地只係參加Day Trek,只行咗火山0既部份。導遊建議想登頂的話,最好三日兩夜,不過我諗呢度成日落雨,勁呢hea.導遊話山頂火山口 熱,鞋底會溶。十二點幾行到返去我地放野0既屋,其實係人家0既屋企.小朋友好好奇用手機影我地相.屋內有貓,有狗,走地雞同雞仔有時會走入屋,屋外仲有鴨添.午餐0既炸雞同苦瓜都幾好味!唔想行上山可以考慮玩ATV四驅車 http://mayonatvtours.com

跟住搭個幾鐘車去Donsol
入住Elysia Beach Resort (elysia-donsol.com) .沿著沙灘呢帶最貴間resort . 酒店兌換率 HK$1: piso 5.3 。酒店較環保,無提供沐浴露,洗髮水,牙膏,牙擦等,我地係酒店.係無風筒借0既.

每日我地都會行沙灘,睇日落,睇下星






係菲律賓,我最愛飲0既Mango Shake


2014年3月25日 星期二

菲律賓 Donsol Day 1


菲律賓有兩個個較hit睇鯨鯊地方:
  1. Oslob http://blog.yam.com/abber_lee/article/46899910但係0個度0既鯨鯊定時定候有人餵。
  2. Donsol 0既鯨鯊係野生0既。唔似Oslob"有人養"。
    Donsol
    有兩間公司安排鯨鯊之旅。Whale Shark Adventure and Tours (donsolwhaleshark.net) Donsol EcoTour (www.donsolecotour.com) 資料指二至四月為睇鯨鯊最佳季節
我曾經考慮由泰國蘇梅搭半小時船去Koh Tao 睇鯨鯊, 四至六月為最佳季節。http://www.kohtaobackpackers.com/location/gettinghere.html 但泰國同菲律賓Donsol Whale Shark Adventure and Tours 要潛埋水先可以睇鯨鯊。由於男友無潛水牌,我揾Donsol EcoTour幫我安排行程,機票亦可代訂。

Day 1香港去馬尼拉.等轉機期間唱錢,機塲對換率HK$1: Piso 5.5。買張五日任上網電話咭p500(p100通話費用).Legazpi 機塲,package包接送,我地入住 La Piazza Hotel。司機,Bell Boy,職員都好友善,同埋佢地serve 完我地後行得好快,我地攞 tips都攞唔切。p50租架 Tricycle電單車去town.一落車見到有巡遊,原來一年一次慶祝夏季來臨,維期一個月0Festival尋日開始。



巡遊隊伍載歌載舞,推住動物/人/怪獸造型0既公仔,好熱鬧!有條龍仲裝咗水喉噴觀眾添。















我地係間外賣叫咗野食,30分鐘後可以攞。後來落雨,我地坐係外賣店,諗住食Pizza ,原來係麵黎,叫Pancit Malabon。我地比佢個圓形底盤誤導咗,唔怪得,佢寫係4-6人份量。我問職員攞叉,個麵酸酸地,幾好味!仲好抵食!p185我地分兩餐先食得晒。職員仲攞咗兩杯水比我地。厨房0既職員出黎睇睇我倆,可能呢度外國遊客較少吧,都係本地人幫襯.我地同職員講,我地擺烏龍,以為個麵係pizza,個麵好好味! 呢度0的人感覺好純品友善!



行咗去教堂

教堂隔離就係Market頭先巡遊0既公仔放咗係Market 隔離0既廣塲,有酒飲,有野食

可惜我地到達0個陣落好大雨