肥安傻傻blog: 2012

2012年6月10日星期日

Day 9 冰川之旅

早上搭巴士去loen 離stryn11公里.學生價NOK 25.十分鐘就到.係Joker groceries 等glacier tour 職員接我地.有雨. 等緊期間,見到三個保拇帶住BB出黎. 幼兒園開0700-1630.逢星期一會帶BB出黎.之前係 Bergen都不時見到老師帶學生外出,野餐等. Loen 呢頭有兩間酒店.不過loen鎮好細,無stryn 咁多選擇.

導遊Muds接我地.楂5km車到Sande Camp. 會合其他人,換對Gortex,Vibram高筒鞋

,十點幾出發.再楂短時間車到Jostedalsbreen National Park.

Jostedalsbreen係歐洲最大0既冰河.我地行0既Bodalsbreen冰川就係 Jostedalsbreen0既分支.著上harness, 戴好頭盔,拿住鋤頭出發

.沿途有唔少好得意0既山羊同綿羊.
見muds載咗雪山水黎飲,我又咁啱倒瀉晒樽水.又卙樽黎試下

正式行冰川前,我地著好釘鞋.Muds 用繩將我地harness連埋一齊.Muds 提我地行個陣,要注意同前後同伴0既距離.連住我地0既繩太緊的話,會扯親後面0既人.
行咗無耐,我隻釘鞋鞋帶散晒.後面位德國人叔叔好好人幫我綁好.不過行多陣都係散咗.Muds出手幫我調校過鞋0既size,鞋沾滿咗冰,咁凍,真係唔好意思.
Muds解釋我地見到0的雪白色,因為所有有顏色0既光被反射.上山壓力改變,我地腳下0既冰藍藍地.因為藍色光(最長光波).無被反射.沿途Muds都會停下講解,不過我有0 的聽唔明.

上山0既路好斜.行得好辛苦.一邊行, 一邊諗會唔會有人頂唔住出聲叫停.捱到食午餐時間.坐係冰上面.我地四個無晒儀態咁狼吞虎讌.Muds剩係攞咗塊Brown Cheese同方包,德國人請佢食咗條腸.點解佢可以食咁少野.行極都唔累.同團兩對德國同西班牙夫婦,行得好快.我地真係好失禮.
落山個下,咁斜.初初都好驚.碌落山,就大鑊.我朋友驚到係咁嗌(跌啦,跌啦…. (-_-!)
望返轉頭,朋友真係唔敢相信自己上落咗呢座雪山

.
除咗釘鞋.Muds帶我地去咗個瀑布.

之前見挪威旗有十字旗,有0的剩係得橫間.問問muds.原來前者係官方用.
橫間國旗非正式用,幾時都升得.
跟muds 閒聊.我見挪威人細細個,就好戶外活動.父母比BB戶外周圍爬. D 人好fit 咁.經常見挪威人跑步踩單車.Muds話佢地好熱愛大自然,好注重健康.香港人,你學會嗎?
返回Sande Camp,快手影相

.四點幾Muds車我地走.因為由loen去Stryn 巴士六點幾先有車. Muds應承車我地返Stryn.呢個冰川之旅好抵.nok 600導遊,equipment,交通包埋 =)
返到住0既地方食野.老闆娘勁好,比我地沖涼,係café 差住電,上住網等夜車.今日有波睇,老闆娘都幾忙.
係巴士站等車.巴士未到,已經有幾個人冒住凍得車.後來發覺因為Stryn 返Oslo架車,好full.今次係我第二次搭長途夜巴.第一次係澳洲,搭完就同朋友相相病咗.所以我都有0的驚.預咗瞓唔到.

2012年6月8日星期五

北歐挪威Day 7　聖壇岩Preikestolen

之前睇人地0的blog,我誤會3小時可以來回.３小時剩係夠上山。同埋我地掛住影相.去到聖亶岩.已經2.30p.我怕回程唔夠時趕及回程巴士.無時間行上更高位置，逗留二十分鐘就走. 景觀真係好狀觀.咁鬼高,我唔係幾敢望落去. 超級凍.成個旅程最凍0既地方.凍到我震,指頭痺埋.離開時.雨勢大咗.又濕又滑,朋友滑倒一次.

盛裝加Crocs行山，厲害厲害
3.40p返到巴士站. 去camp site 附近影下相.好鬼多蚊. 又去hostel 坐坐.朋友寄下明信片.

五點幾到Tau 巴士站.計劃行程個陣我以為return Stavanger 1750係指1750到達stavanger.大鑊!!!!!原來係1750至開船.我地仲要趕1845由stavanger 巴士站開去bergen 0既車.同朋友商量.最壞打算係今晚返唔到去bergen,蝕bergen 一晚酒店(NOK 1400呀!好肉痛呀!!!) 要係Stavanger 留多晚.我攞咗部份現金,信用咭同護照. 我地兩個人一組(兩個跑腿C同我負責返酒店攞喼, K 同G 負責先到巴士站拖延時間). 係船上,大家心情都有點沉重,有點緊張. C係我迦密柏雨中學0既師妹,佢係排球隊,我玩過一個月中長跑田徑隊.我鼓勵大家一番,迦密0既體育係好強!We can make it! 船準備埋岸. 我地亦準備好.1725開閘.我地拼命咁跑. 我跑咗上前,不過我唔係太認得路.轉頭望望C.C指示我方向. 1735跑到酒店.C同我每人拖住個喼,過馬路,落斜,落樓梯….超市唔見K同 G.佢地係咪已經去咗巴士站呢?我衝去巴士站. 奇怪唔見K G.諗著拖延時間之際. 對面見到K跑緊過黎.Thanks God! 我地真係做到.呢次真係夠晒刺激.估唔到C同我拖喼仲快過佢地.原來K G跟地圖行. 行咗去無乜人0既路, K 情急之下,截咗架私家車,喘住氣同女司機講:”可唔可以載我地去巴士站.因為仲有五分鐘開車”女司機好好人,佢起初以為朋友要趕去機塲.多得呢位好心司機.我地四個一齊趕到班車.
走就出太陽不過今日行山大部分時間無落雨都好好架啦
建議大家去Pulpit Rock的話.係hostel 或stavanger住多晚.唔使好似我地咁趕. 多0的時間行山影相.行高0的位置影聖亶岩仲正.
又一程car ferry

九點幾十點,太陽開始落山.係船上欣賞漂亮0既晚霞同日落

今次行程最主要玩北歐南部.第時有機會去北部,睇睇個午夜太陽

晚上12點10分左右,返到bergen巴士站.
入住City Apartmnet Hotel.無升降機,要托行李上三樓.酒店隔離係酒吧.再加上週末,預咗嘈0的.

2012年1月31日星期二

Fiji Day 7 & Day 8 激流

Day 7 1.2.2012

Day 2 司機提過可以騎馬去village.時間大概係10a-3p.
仲有獨木舟 http://www.riversfiji.com
結果我揀咗係upper navua River
玩激流 fiji $ 370.

今日又係成日落雨,睇唔到斐濟0既日出.呢度係全球第一個日出的地方
晨早未到七點,激流職員先載我地過對面The Pearl.激流間公司老闆係美國人.十幾年前,同村長針掂.借用村0既土地河流辦激流生意.跟住係村度物適0的男人做導遊.我地個guide Mosses 就係十四年前起始做到宜家.Mosses好搞笑,好識搞氣氛,講咗好當地0既野比我地知.起初佢都抗拒做激流導遊.因為佢無完成中學課程.返村幫屋企人打理農務成兩年.0的英文都唔記得八八九九.佢哥哥就做伐木工作.呢度係斐濟唯一可以玩激流0既地方.

搭車期間.我見到蝙蝠飛過.Mosses話果0的蝙蝠食生果0既.好似每逄三,四月下午4.30.佢地就會用樹葉喬裝自己.當蝙蝠食番石榴果陣,就搖棵樹.0的蝙蝠驚到跌晒落地.佢地就捉蝙蝠返屋企煮.首先用沸水煮.去皮拆翼後,劏開個肚,放0的蕃茄同芋頭落去.燒熱石頭,放入地坑,用草覆蓋(我之前睇電視睇過呢種煮食方法).快的話半小時食得.味道好似雞肉咁.原來係咁樣捉蝙蝠,好有趣

上山0既路有時都幾斜,同埋係爛泥路. 有0的地方仲水浸添
今次係我第五次玩激流.最悶係峇里(得二級).沙巴,澳洲都係三級.最刺激好玩澳洲.Fiji(二至三級)景最靚同Guide最好

.
同行0既加拿大人Janice 原來已經58歲,真係睇唔出,活力十足.

佢會係斐濟玩成七星期.Janice 好健談. 今日本來仲有幾個人黎,不過取消咗.成團得八個人,分兩隻艇玩.Mosses見我地四個比較多野講,所以揀我地同艇.Mosses問我地有冇睇過Survivor Fiji.我以前都有睇生環者呢個節目,不過斐濟呢個系列,就無睇.Mosses 話Survivor Fiji入面帶參賽者玩激流,將三封參賽者家人0既信比參賽者個guide就係佢.有人因為睇過呢個節目.黎到指定要揾佢帶激流.佢0既名人客人仲包括Bill Gate. Mosses 條村有四五百人.佢應該識晒成村人吧.旅程期間,佢見到個個村民都有偈傾咁.村民個個都好友善,都會同我地揮手.
沿途見村民釣魚,騎馬
呢度0既瀑布又多又靚.呢期雨季(十一月至四月),水夠晒強.呢度0既沉積岩,清晰可見0的礫岩.

Mosses教咗我地一0的斐濟話.不過我語言天份好低.好快就唔記得斐濟有14 provinces.有好多種方言.Mosses就識講英語,斐濟語,印度話,同兩種方言.
關於戴花佢話Left is cooking.Right is looking.不過佢話有人講相反的.我亦聽過左面單身,右面結咗婚.另外有人話我知佢條條村,剩係chief 0既家人准戴花
呢度0的牛馬,部份竹都係歐洲,東南亞引入

Fiji$30 買隻CD.camera man部相機麻麻

Day 8 2.2.2012
搭0840班機返港. 3.30am 離開 resort. 搭兩個半小時車返 Nadi 機塲.退稅,買夠五百蚊野,離境前可以退埋稅

斐濟人真係好友善.大部份人比人感覺好開心.成日都笑住講Bula.
香港0既Rugby 7 好成功.係度皆知巷聞

好鍾意呢度.因為人好友善, 刺激好玩,野又好食景又靚,又可以hea~~~ 一次過滿足晒!!!!!

2012年1月27日星期五

Fiji Day 3 Shark Dive!!!!!!

配以生果0既健康早餐Toast 好脆,非常好食! 連多士都咁有水準!

到成個旅程0既重頭戲. 呢度0既shark dive 都好full.朋友幾個月前已經預訂
呢頭有兩間公司可以睇鯊魚.Beqa Adventure Divers & Aqua-Trek 我就跟Aqua Trek
0830 我地出發睇鯊魚.同行朋友Y一直都驚呢個環節,甚至講過唔黎.Dive master 話會安排我地係一條繩入面.工作人員就係繩內用吞拿魚頭餵鯊.記得香港幾年前曾經試過有虎鯊食人.不過我唔驚,都幾興奮,0的鯊魚比人餵慣,都唔會揀食我啦(之前播”天與地”,同事都話我咁瘦,都唔會揀我,剩係lun 骨).有時人就係咁,想做0的 crazy 0既事.
第一個dive潛24m,第二個潛18m
Dive master帶我去鯊魚群,我摸摸0的Nurse shark.護士鯊比較温馴