肥安傻傻blog

2015年3月17日星期二

中,東歐遊 Day 2 布拉格舊城區

火藥塔Powder Tower,可以比錢行186級樓梯上塔頂睇布拉格景觀

提恩教堂,歌德式鐘建築

係入面行咗個圏,買咗張postcard

隔離0既建築物修輯中

舊城廣場Old Town Square 0既胡斯像

金斯基宮,呢座宮殿係咩洛可可風格建築喎

附近聖尼可拉釿教堂修輯中,所以唔影啦

天文鐘

魯道夫音樂廳

附近有人派音樂會0既傳單

早上六時職員morning call 我地.今朝呢個職員有笑容,比尋晚0個兩個好好多.早上到達布拉格機場。出境時，關員話我用BNO，可以排歐盟條快隊。男友用特區護照有chop印，我無。係櫃員機提咗CZK 11,000 (匯率唔錯).我有個朋友係找換店換EUR100,收咗EUR20手續費.Blogger提醒換錢要小心,有0的找換店門面寫0既對換率好好,換咗至知係大額換先係0個個rate.

先去咗terminal 2 買電話咭 CZK 500(有CZK２－３００通話／sms,包4Ｇ上網）。再返terminal 1搭CEdaz 小巴www.cedaz.cz去市中心，可以係標示AAA黃色counter

買票(CZK 150位)，或向司機直接買亦可，車程大約３０分鐘。

落車地點同酒店好近。我問司機，佢好好人送到我地去酒店門口。

酒店隔離有個 18xx年0既教堂

酒店房間

Best Western Hotel Bila Labut

http://www.hotelbilalabut.cz/

HKD 550 兩晚包早餐

近Namesti Republiky 及Florenc 地鐵站
行去舊城區景點亦好方便
附近有24小時便利店
位置,房間,服務等總括覺得好抵住

覺得布拉格好多建築都好靚!邊行邊係咁影

市民會館 www.obecni-dum.cz/e-index.htm

其中一個聽concert地方

裡面裝俢好豪華!

2015年3月16日星期一

中,東歐遊 day 1 莫斯科機塲

搭Aeroflot 十個幾小時機程. 我以前搭飛機，機艙都係較凍，今次開咗暖氣，勁熱。飛機餐唔好抱咩期望，麵包叔0既。下午五點幾到莫斯科SVO 機塲。有個來電，起初我無接，後來查查個號碼，可能係酒店打比我。由於book酒店０既print out，係俄文。我唔太確定，AtlantaSheremetyevo Hotel http://www.atlanta-hotel.ru/係咪係機場入面，我唔知需否出境。去度出境大堂，問個中國人樣職員，比佢點咗去轉機。過咗安檢，問職員，佢叫我地再行入0的問. 後來去到轉機服務櫃枱問,職員指去Atlanta 要出境.Shit! 返返安檢試試，一個唔識英文0既就話＂no english”，另一個識英文0既係咁耍我地走。唉！我地放棄，只有係機塲等聽朝八點幾班機。ATlanta 酒店職員再打黎，已經派咗司機去接我地，我真係唔好意思同佢講因為出唔到境，要Cancel(其實佢０的英文有限，我諗佢剩係聽得明cancel). 係機塲醫肚，雖然無盧比，但好多餐廳都可以用Visa Paywave,好方便。因為太累，男友又病病地，我地去咗terminal E子彈酒店 Capule Hotel (Vozdushny Express), 瞓十小時RUB 5620, 最小瞓四個鐘 http://www.v-exp.ru/.　比Atlanta Hotel RUB2393 貴好多。Atlanta 咁平因為佢可以揀住１２小時，仲包來回機塲接送。子彈酒店有wifi，只提供毛巾，５００ml 熱水（問佢先比我）

。連電視０既枱都係自己追，茶几上個folder鋪晒塵，唔通我地係呢間房０既第一個住客。呢度咁貴，應該無乜幾何有客。隔音又唔掂，我係房內聽到出面機塲０既廣播。

房無窗，焗焗地。有窗0既房再貴D.酒店職員亦冷漠.係莫斯科機塲,感覺真差!

2015年2月3日星期二

中大賞花

中大荷花池旁漫步,靚靚大紅花

幾棵楓香樹葉枯了.

呢幾棵樹同青衣公園0的樹應該同一款吧.影出黎有0的外國feel.或者執走相內0既水泡,同燈柱上介紹中大留鳥0既牌更好吧.

上到新亞書院,見到草地上有把用鐵枝造成0既黃傘,攞起黎影相,都幾重.影影下,有個女仔停低望住我地.我咪問佢使唔使幫佢影相.原來佢就係造呢把傘0既藝術系學生.把傘已經整咗幾個月.後來由工塲放咗出黎.我覺得比起去年年尾黎個陣,黃傘物品少咗好多,佢答話:"清咗塲嘛"

漂亮的洋紫荊

今次黎因為睇到蘋果報道中大有櫻花

所以預咗好多人.原來呢度0的英花樹好矮

天人合一池

Kenny's Album

2015年1月24日星期六

Zipline,abseiling @東龍島

由鯉魚門三家村碼頭買來回船飛去東龍島($45),早上九點出發.9.30am到達東龍島.向營地方向走,多咗間新創意士多

.0係南園士多,戴上頭盔同harness,教練進行簡介(廣東話同英語).活動地點,離南園士多

,來回大概20-30分鐘.想食出名0既排骨飯,最好預訂.經過營地,到達活動地點.

第一個節目: 游繩下降Abseiling由於以前我跟教練Gordon 梧桐寨玩過瀑降，馬大石澗玩過溪降。唔會太驚。而每次Abseiling都同唔同體驗。

梧桐寨瀑降　http://blog.xuite.net/fioncsm/hkblog/151152395教練同我一齊落
馬大石澗玩過溪降　http://fioncsm.blogspot.hk/2013/08/blog-post.html自己控制加跳崖

今次一pair 人落。同男友一齊游繩落去，右手面就係海，沿岸浪大，高度叫人生畏，但景色一流！

落到底就係鬼洞。

第二個節目：飛索Zipline以前我係澳洲，裴濟同帛琉玩過飛索，本來以為無乜野，咪由高點滑去低點囉。估唔到咁刺激！首先企係起點，０個個懸崖已經夠晒驚，如果無安全措施，我真係唔敢行出去。對比起外國，每個點都起係樹上，參加者企係牢固０既台上。

理想地，我地行到舊石０既邊邊，再滑出去。不過我體重輕腳又短吧，馬步紮得唔穩，行唔到去石邊，雙腳離咗地。教練叫我嘗試返返舊石度，我手抓到０的碎石，睇住碎石由幾十米０既懸崖跌落去，如果下面有人就不坎想像。速度由教練控制，可以好快！快到我嗌咗出黎，之前係外國玩飛索都未試過，好過癮哩！唔同地方０既飛索有唔同特色

澳洲jungle surfing：有生態導賞，仲有倒吊環節　http://blog.xuite.net/fioncsm/hkblog/151157893裴濟：減速同停，可以自己控制　http://blog.xuite.net/fioncsm/hkblog/151152735帛琉：情侶主題　http://blog.xuite.net/fioncsm/hkblog/151152461

MY Zipline Video

小休期間，有位參加者話佢去雲南旅遊0個陣，農民就係用自制飛索，用繩綁住隻牛，運過對面。遊客可以比錢農民玩飛索。不過我諗我唔敢係無安全措施下咁玩。呢位參加者仲提及佢去巴基斯坦，阿富汗等地方。令我諗起＂走過烽火大地＂。後來得知佢就係係西藏開咖啡館０個位香港人。
風轉咖啡館Spinn Cafe http://www.cafespinn.com/

第三個節目：攀石 Rock climb

地點就係鬼洞附近。我第一次戶外攀石係日本，所以我有０的概念，知道要揾企同可以抓住0既位置。選擇合適０既攀石鞋後，我地輪流開始。

本來是日活動係飛索加游繩下降，每位參加者大概玩咗兩次飛索加兩次游繩下降。教練比我地玩埋攀石，所以要趕返碼頭搭五點船。後來發覺Gordon 連飯都無食。返到三家村碼頭，Gordon同以前一樣問問大家feedback，做evalution。大家都玩得好開心吧！

My photo Album
Photo AT Google Drive

未玩之前，有朋友問過幾錢，覺得＄４８０貴。玩完之後，我覺得值，開心同體驗係無價！我地十個參加者，五個工作人員。玩緊飛索時，另一邊可以玩游繩下降。有工作人員拍片影相，０的相晚上已經有得download.最重要係安全嘛！當然做咩都有風險０既。不過我跟Gordon 玩咗幾次，佢亦出過好多團，所以我都好放心。

以前我玩飛索，我只會諗係外國玩。原來香港都可以做到。希望朋友能繼續將佢０既興趣做職業，再發展為事業。香港可以做到多元（雖然特首，叫香港青年返祖國發展，祖國同胞黎香港發展，我地０既政府，唉！）。加油呀，香港人！

2015年1月11日星期日

南丫島(榕樹灣，索罟灣）遊

對上一次去榕樹灣起碼七,八年前啦。中環搭12.30p班船，半小時到榕樹灣。係榕樹灣大街走走。之前我睇blog，話０的大粒魚蛋唔係咁好食。平時我唔好shopping，入咗幾間hand made shop 睇睇。大街62號有間以貓做主題０既店Somethingabout Cat 幾得意！一直行見到左手面有間blog提過０既手製曲奇餅店。午餐揀咗素食西餐"南島書蟲"