馬大石澗

兩位教練Gordon 同Leo帶我地七個人到馬鞍山郊野公園，準備係馬大石澗玩游繩降落abseiling.玩0既四人，三人隨行影相．
今次用0既裝備同我8/7/2013第一次係梧桐寨玩唔同.因為今次溪降,會係濕滑0既石頭上滑落(好似玩滑梯咁).所以pat pat 位置有塊黃色膠,用0既扣亦唔同.

教練教我地點用0的扣. 其實我病病地,不過就算唔病,都搞唔掂0的扣同繩haha. 簽同意書前,教練提醒我地可以隨時撰擇玩同唔玩, 自己整0的扣,或者教練幫你又得……
本來我以為我第一次玩已經係香港最長0既梧桐寨瀑布.今次第二次玩瀑降,應該比上次輕鬆. 但今次加插咗跳崖,好驚險刺激!爬落瀑布前,教練講解咁咁咁.我地亦會睇教練示範,但有時有0的位,教練入咗瀑布入面,係睇唔到佢.即係你自己未落去,始終唔知下面咩環境. 仲有第一次玩,全程教練都磅住我. 今次有0的時間要自己搞掂. 當教練講點點會浸死.我有個朋友拗底,冇玩足全程.

最令我印象深刻係英雄瀑跳水. 之前睇片覺得無乜野,我跳過雙鹿石澗仲高啦
見人徒手爬上去,好有難度.我搞唔掂,教練Gordon整咗條繩. 有個男學員用繩爬咗上去,不過唔敢跳,用繩落返黎. 我都用繩爬咗上高處,不過仲差一步先去到教練Leo企緊個跳水位. 我雙手捉住上面舊石,左腳一跨,唔夠長同技術 .朋友係下面比半天吊0既我嚇死.雖然我驚,但我對教練Leo好有信心(上次玩瀑降比佢係瀑布一手的起我). 今次佢救我一命,又的咗我過佢0個邊.我赤腳爬, d 石有點鎅腳,腳損咗少少. Leo叫我踏住Leo佢隻腳,真係唔好意思,要照顧我呢個麻煩學員.Leo, Phoebe 同我企咗係上面一陣. 本來Leo數三聲三人一齊跳,我怕,無跳到. Leo見我無跳,佢都無跳,怕留我一個係上面. Leo教練真令我感動! 我大嗌住, 一躍而下.哈哈!都唔型0既,不過好過癮! 天然滑梯亦好好玩!

雖然我病病地玩完呢次溪降,病咗差唔多兩星期,右手肘少許撞傷. 我會繼續呢個刺激好玩0既活動. 繼續explore ,挑戰自己,信自己,信別人!

Leo’s  Photo Album
Gordon 's Photo Album
Phoebe’s Photo Album Part 1 & Part 2
Video by Leo

降瀑@ 梧桐寨

 我地再行上少少,係散髮瀑Scatter Fall練習．我好驚（之前仲誇口話要玩三轉主瀑）,又高又滑，撞黎撞去．雖然驚，我仲見到隔離有隻青蛙．搞唔掂咩tension.教練不時要一手執返我去正確位置．心想快０的到地（我諗我唔會再玩，等間個長瀑點算．．．全港最長．．．）

主菜：主瀑黎勒
望落去，幾驚，教練行得好自如．我係個較平位置坐咗陣，唔敢郁
係主瀑，越落得慢，一直比瀑布水打面打身，會更凍更累．
之後我掌握到０的技巧，可以落得快０的
呢張相除咗我,仲有兩粒人,你見到嗎?
望返轉頭，自己游繩由咁高地方落黎，覺得好勁！
好刺激！

見兩位教練飛蟬走壁，好型好厲害！
＄３００位，抵到爛，包器材，兩位教練，教練幫我地影相，上上落落，照顧周到．好感受到亦好感謝，兩位教練將自己鍾意０既活動同我地分享．當然仲要多謝幾位好姊妹，齊齊成功挑戰長瀑！ 之前拗底覺得唔會再玩，我宜家又改變主意了　

Leo's Album

My Album
SeeSee Album 1
SeeSee Album 2
Youtube Video by 教練Gordon  (尾段有我份)

My Video by SeeSee
Video by Leo

降瀑前傳@梧桐寨

 參加SDG 降瀑活動．呢項活動係香港都比較新．我知係游繩落瀑布．今次我地去全港最長７０米0既梧桐寨主瀑(第一次就咁激)．呢次活動話有相當危險性．曾經死過人（一位教練好似係因為比繩纏住）．仲有如果停唔到，係咁鐘擺咁fing，繩有機會比岩石界斷，跟住跌死．尋日落好大雨，加上參加人數得０個三四人（平時起碼六人先開團），本來以為今日搞唔成．真係多謝教練Gordon同Leo照樣出團，帶住我地四個毫無經驗，唔識死０既女生冒險．

太和港鐵站搭的士（～＄５０）去梧桐寨村．
係泊車0既地方整理裝備同熱身．四個女生乜都影一餐，教練覺得我地好似小學旅行咁，哈哈！
裝備好新淨，0的繩有0的千幾蚊條.
好多蚊，我急不及待快0的出發．
萬德苑入面有位伯伯，教練話伯伯聽野唔係咁好，行動不太方便，教練每次會幫襯伯伯買汔水．
沿途極多地衣, 空氣非常好.行行下仲遇到一大群黃粉蝶,一見到我嘩嘩聲.仲有其他蝴蝶, 報喜班粉蝶啦,有隻好似地圖咁,有隻成塊枯葉,仲有黑搭螢光藍…可惜我影唔到.仲有好多唔知算係四腳蛇定蜥蝪0既爬蟲類

經過井底爆 bottom fall,有幾個外國人玩緊水

到達中瀑,終於可以浸下水. 涼透心,極舒服!

已經唔捨得走.教練不時提點瀑降water abseiling才是今天的主菜.
我先到主瀑. 等人期間. 一個人坐在石頭上，

見到水面有彩虹.有隻 蜻蜓飛咗上我隻手.望住瀑布. 今次係我第二之黎梧桐寨.第一次大概2007吧. 慶幸呢度仍然保持得咁靚!　企係瀑布下照頭淋，爽呀！　

深涌單車遊

 尋日 2-6p打羽毛球,晚上去姨甥女百日宴,好累. 天氣預報今日落雨, 朋友又話深涌路滑多斜搞到我有0的拗底,諗過今日縮沙. 上次0的瘀傷未好晒,爸問我:”仲未學識踩咩?” . 媽見落雨濕濕,叫我唔好踩. 結果我都係唔想浪費一日假期. 第二次跟愛騎行去西貢深涌.

由大圍火車站出發
對岸0既馬塲,仲有 中文大學.
落雨去士多避咗陣.士多後面好有泰國feel

西徑村落斜,好斜,路又濕滑. 跌車,大肶瘀咗成個漢堡包咁大範圍. 不過我會越踩越好的


經過紅樹林同魚排.
菲律賓人Claro抽完筋. 輪到我, 夾硬上斜後, 隻右腳抽筋. 隻腳屈唔到, 從來未試過咁,0個種感覺都幾搞笑.
身後0既馬鞍山

我記得黎過深涌碼頭.翠華有船去塔門,荔枝窩經呢度0既
兩位男士借膊頭比我踩上去燈塔

大草地
深涌農莊,無開0既士多
魚塘倒影
靚景, 好helpful 0既buddy, 刺激0既上落斜....好玩!

 

 

 

 

 

元朗塗鴉牆

 下午一點由天水圍西鐵站出發之前本土文化班去過0既屏山文物徑.

是日行程如下:
天水圍>屏山坑尾村>元朗塗鴉場>元朗山貝村>天水圍>輞井村>輞井圍>邊境山貝河>尖鼻咀>流浮山>屯門洪水橋>屯門站>屯門洪水橋>天水圍

本來朋友想去”老地方”食豬扒包,不過今日無開檔.
咁多人排隊,之前朋友係度見過伊健同蒙嘉慧
元朗某地盤下水渠,竟然有咁靚0,既塗鴉
踩咗陣掛住睇畫,路面濕滑,有大量青苔同蝸牛,PK了.
有叮噹同出前一丁

MTR
睇年份,兩三年前已經有人係度塗鴉
記得有幅寫住”2012 想到波多尼國.”實現了嗎?
留低車痕

比較少女的
雖然跌損咗,成車泥,但好好玩!

新界西北單車遊

 洗車後發現爆咗呔,唔知係咪塗鴉牆有玻璃.就係咁朋友將佢第一次比咗我(補呔).又熱又餵蚊,我又無準備後備呔.辛苦晒朋友!

經過濕地公園,0係輞井圍士多歇歇.士多老闆好好傾,好友善!
勁好陽光,繼續行程. 去到魚塘又爆呔, 跌落草叢中.推住架車,欣賞魚塘景色好美!
同大陸一(鐵絲)網之隔,朋友獻出佢0既第二次.朋友好努力,雖然佢一直講佢唔識補呔.俾蚊係咁咬,玩咗好耐,連膠布都出埋都係漏氣.有個叔叔經過,建議朋友將佢26吋後備呔換落我部20吋摺車度,爭成六吋,但原來work 的.
哈哈! 又可以繼續.去埋尖鼻咀.
望落去好多招潮蟹,跳下跳下0既彈塗魚
本來今日我想去白泥睇日落. 但雲幾多. 去流浮山途中,睇埋個日落. 
第一次踏足流浮山.
之前見無太陽, 諗住除咗副黑超.朋友話踩車戴超可以保護對眼. 我從來未試過天黑晒踩車,無意識開車頭尾燈. 戴住超,睇唔到路,跌到前轆都歪埋.好彩已經係屯門.去單車鋪搞掂架車.踩去洪水橋星都餐廳食飯.好肚餓.我覺得都幾抵食.$52 個海鮮螺絲粉好足料,薯蓉花又整得靚靚! 有餐湯,野飲同甜品.

咁耐無踩車,今次踩得好累.搭西鐵個陣,好想瞓. 單車方面,真係好多野唔識唔知. 搭港鐵去天水圍,我以為一定要拆轆.原來摺埋部車就得. 多得朋友0既提點同幫助.

DAy 9 台北西門町

 澳洲工作假期認識0既台灣朋友帶我去西門町日本餐廳食拉麵.都幾多人排隊.

隻糖心蛋好靚!不過湯底太濃.

活化古蹟西門紅樓隔離0既攤檔

懷舊佈置

朋友帶我去旅遊書亦有介紹

朋友送我0既手信攞獎食品,聽講好多人排隊架!好好味呀!

最近紫園飯店0既機塲巴士站係晶華酒店附近.大有巴士NT$90,不設找續. 大部份人都會去台北車站搭國光機塲巴士吧 NT$130,班次較密. 大有機塲巴士個司機,好搞笑.楂車期間會講下笑話. 令乘客都感到歡樂.

以前我會諗同爸媽去旅行,大家興趣唔同,唔啱玩,得個悶字. 今次台北之旅,好開心! 其一同台灣朋友聚聚舊,另外見到爸媽玩得開心! 媽最欣賞個温泉,覺得台灣野又好食,人又好! 台灣真係個好地方.我仲有好多地方想去,想去花蓮,宜蘭,清境,肯丁,台東….如果再黎台北或者會由三貂嶺行去侯硐. I 'll be back