Day 27 母親節

 前幾日都晨早起身,今早我七點便起床.

這幾年母親節都同細佬妹夾份買禮物比媽咪.今年我都告訴妹妹預埋我一份.只係今日同唔到媽咪飲茶.咁係度同您講句母親節快樂!!!!

幾日無返酒樓,感覺好似好耐無見0的同事咁,仲有幾個新面孔.又識咗個香港學生Psyche.見佢唔係幾想做份酒樓工.我帶佢去味千,放低份resume.之後佢陪我去Paddy’s market買菜.佢第一次黎,覺得0的野好平,亦無空手而回.今日母親節係我係酒樓,最忙0既一日.推車,拿住托盤,大家都好累.晚上同Esther行去Newtown.兩個路盲,最終都係搭的士去Bank’s Thai.今晚我地有七個人,可以叫多0的野食.串燒,牛肉沙律,雞肉冬蔭公,咖喱蝦,snapper,fish cake,有支酒.最鍾意0的汁,撈飯食,好好味!
星期日酒樓出糧,信封入面有$36.我正準備走的時候.財政大神揾我,原來今個星期,我做咗兩日,但我只拿了一天的工資.如果佢唔出聲,我都唔知.好彩,財政大神夠均真.