Day 28 繼續一日兩份工

 今早第一次賣餃車.頂點:帶子.特點:蝦,菠菜豆苗,韮菜,大點:羅漢上素,金菇,潮洲粉果.賣咗無耐,怕我唔熟手.主打都係豆腐花同芒果西米露.最鍾意呢架車.最細最好推,又唔使點記.放工帶酒樓同事Master學生 Daicy去味千望一望,叫佢遲0的交低份履歷表.見佢比較文靜,同埋平時返工都好少機會可以傾偈.交換contact後,佢陪我係market city行咗陣.因為酒樓放三點,四點至八點返味千.我同佢講開都唔知邊度買肉平,佢就帶我去market city附近,一間好似叫皇冠XXX.一邊行,佢撓住我隻手,好似細妹咁.

0係味千,四五點唔忙.Gigi Chen有好多時間教我,佢想學廣東話.我又教佢講幾句.今日我開始用PDA 落order同埋單.又學咗少少日文e.g. tonkatsu係炸豬排,Garage係雞等.因為有個女仔返唔到,我加鐘到十一點.waitress只有三個,老細返黎都有幫下手,peak time滿座超忙.有個鬼佬勁讚我地,上菜/飲品上得快,又好食.我都好appreciate呢度0既管理同efficiency.我見有個打好0既name list,有員工0既名同今日返咩時間.雖然今日係我0既第二日,我個名唔係手寫,都係打架.做到咁上下,老細沖好一盤飲品,我起初以為係比客,原來係沖比我地(員工的),佢又讚Gigi煮野食煮得好,問我做完酒樓做呢度會唔會好辛苦.佢臨走又會多謝員工.相比起黎,酒樓的管理層同某0的同事太刻薄啦.衰人邊度都有.不過味千黎緊返咩未知.同埋唔知幾時出糧.希望可以係味千返多0的啦.