血色海灣 The Cove

睇完"血色海灣" http://www.youtube.com/watch?v=ypeW6lSeUFc
呢套電影,令人有好多反思

記得舊年去帛琉 http://blog.xuite.net/fioncsm/hkblog/151152461
當地有個全世界最大0既海洋哺乳動物教育研究中心. 海豚話係由日本漁民度救(買)過黎. 片中提及以研究保育為名,實際捕鯨豚0既情況。捉返黎０既海豚，如果送到海洋樂園以後訓練表演的，可以賣到好高價錢。

見到人性幾咁醜惡，海豚被不人道屠殺。仲有0的日本人食咗海豚肉都唔知，海豚肉水銀含量超標。人類0既大量捕魚,日本政府向漁民灌輸,係鯨豚0既錯,日本漁民視鯨豚為pest 害蟲。但令一方面亦見到記錄片中0既人冒死,比大家知道呢個事實。

記得舊年農曆新年，媽咪留咗碗翅湯比我。佢一番心機，我照食，但我叫佢第時唔使再整，當時佢嬲嬲地。話我唔識食。一年過去，唔少親戚朋友都辦無翅婚宴。魚翅價格跌咗好多。媽咪都話食晒以前買落0既翅，唔會再買。

上星期幫媽咪買拜年０既朱古力。回家我同佢講：＂環保，唔用包裝紙。＂佢好不高興。希望身邊０既人，各位對地球，對人有多D　0既愛同關懷 !

新年快樂!!!! 身體健康!!!!