2015年1月11日 星期日

南丫島(榕樹灣,索罟灣)遊

對上一次去榕樹灣起碼七,八年前啦。中環搭12.30p班船,半小時到榕樹灣。係榕樹灣大街走走。之前我睇blog,話0的大粒魚蛋唔係咁好食。平時我唔好shopping,入咗幾間hand made shop 睇睇。大街62號有間以貓做主題0既店Somethingabout Cat 幾得意!一直行見到左手面有間blog提過0既手製曲奇餅店。午餐揀咗素食西餐"南島書蟲"
聽講漢堡扒唔夠汁,所以我地點咗個pizzaLasagne, 幾好味!我鍾意芝士同埋加咗胡椒0既闊麵,麵包都唔錯,菜湯亦足料!呢度好多英文書,不過假日都會有時間慢慢睇。
大家有無發覺天后古廟前兩隻石獅子係西方0既呢?行上山,沿途唔少木瓜同香蕉樹。

建興阿婆豆腐花對面間屋外牆0既畫好可愛之前睇blog畫呢度0既豆腐花水準下降,仲有烏蠅..有人問阿婆攞薑糖,阿婆話糖惹烏蠅,比人投訴,只供應糖醬.不過生意好好! 阿婆活力十足.



行去風車途中,見有個"菠蘿山庄",寫著有糖水,炒飯等.朋友提過有檔燒菠蘿好食.不過我唔知邊間.男友咪上去問下.0個度無乜客,位置問題吧.男友問阿婆:"有冇燒菠蘿?"阿婆答菠蘿都無呀. 哈哈!我地講聲唔好意思.婆婆好友善,說無所謂.風車旁觀景台,眺望南區

原來朋友買0個檔燒菠蘿係呢間"馬拉串"不過阿姐話燒菠蘿較酸,今日0的靚菠蘿賣晒,建議我地食菠蘿冰. 隔離就係洪聖爺灣泳灘,有燒烤場同公眾燒烤爐,不過我見0的枱好細.

我地沿著郊遊徑行,無去蘆鬚城泳灘(個名幾搞笑!). 去到個觀景台,望望以前我去過0既索罟灣魚排http://blog.xuite.net/fioncsm/hkblog/151152553
經過神風洞,到天后宮朋友問我廟前0既獅子係咪一公一毑.我記有腳踩波0既係仔,腳下有獅子仔0既係女.
晚飯無揀出名0既天虹. 見間世外桃源海鮮酒家人較多,咪試下.菜好鹹,炒飯賣相.....海鮮一般.

之前見報道關於內地遊客破壞生態,亦有南丫島商戶表示對某些不守規矩的遊客表示不滿. 是次離島遊也蠻開心,當地居民,好友善,我地唔清楚行邊條路,有人主動幫忙.食肆,店鋪老闆或員工亦有禮.見到0既外國人,國語人,本地人亦守禮.

Kenny's Album





沒有留言:

張貼留言