第一段：油塘三家村遊樂塲－＞井欄樹．0815出發．
第二段：井欄樹－＞沙田坳道(獅子亭)．個幾月前練呢段個陣覺得好辛苦．但今日行得輕鬆．
第三段：沙田幻道－＞大埔公路(九龍水塘)．沿途好多馬騮．
第四段：九龍水塘－＞城門水塘主壩
第五段：城門水塘主壩－＞鉛礦坳．雖然條路唔難行，但行咗咁耐，小腿同右膝0既痛，令我行得幾辛苦．
第六段：鉛礦坳－＞佛教慧遠中學．0係補給站差完電，跑落山．約1830,行咗10小時15分鐘，完成42公里0既路程．
多謝咁多位贊助我0既善長，精神上，行動上支持我0既朋友 ,我地0既 supporting team!!!!
之後帶朋友返屋企食下蘿蔔糕，豆腐花，飲涼茶，一齊睇我日本同菲律賓之旅0既DVD．招呼唔到，仲要你地洗碗
．屋企部osim美腿魔師，剩係沖咗涼0既朋友先比用啦．跟住落樓下平台街邊檔食碗仔翅，魚蛋，麵....(我住咁耐,都未試過幫襯．)你地唔介意洗碗0既話，下次再黎探我啦！
歡迎光臨寒舍！！！
係 la , 行得咁快, 尾燈都見唔到呀 下次見到車尾燈, 都算我贏
妳絕對可以行毅行喇，成個過程都唔係好睇到妳攰．勁呀！
我都覺得自己好勁呀！哈哈哈！越黎越勁呀！（其實每位參加者都好勁呀！最緊要有heart嘛！） 第五段攰架．不過都"頂able"0既．我繼續我一貫作風，全程保持笑容，你咪以為我唔攰囉．
沒有留言:
張貼留言