係悉尼已經超過兩個月.回想當初到悉尼.因為怕揾唔到工,好徬徨.真的很感謝朋友Dawn.唔係佢,我都唔敢一個人黎澳洲.第一天到步.佢黎車站接我,陪我去銀行開戶口,orientate我.比我係佢屋企免費住宿,煮埋飯比我食,教我煮餸/英文等.連工都幫我揾埋,老人宿舍做護理員,一份好好0既工作.係老人宿舍,主要做護理員,又試過做厨房同recreational officer0既工作.我第一份工係富麗宮酒樓賣點心,又係味千拉面做過侍應,有時會through nursing agency係醫院做 Assistant in Nursing (AIN).我未買到返工著0既深藍色褲前,Dawn借褲同皮帶比我.尋日終於0係Market City買到條啱身0既褲,今早我用針線將褲改短.真係出外靠朋友.我都好乖幫佢洗碗,吸塵,摺衫等.另外我自己0的衫,我通常手洗的.洗衫唔難,要扭乾0的衫,好吃力的.初初黎到工作時間好少,無乜朋友,會好悶.利用空閒0既時間上網,查字典,學英文,揾旅遊資料.除咗英文進步咗,因為認識一班台灣同日本0既backpackers,普通話同日語都學到唔少哩!晚上同一班backpacker一齊煮同食飯就最開心!
我plan九月尾或十月頭去 Darwin->Alice Spring->South Australia (SA)->Victoria->Tasmania.因為Darwin April to Oct dry season,避免十一月起wet season道路因水浸而封閉.六七月為最佳月份,因氣温和濕度最低.宜家留意緊去Darwin 0既機票.暫定計劃就咁,唔知到時會點.我黎澳洲前,本來諗住係悉尼只留兩個月,宜家話咁快已經係度兩個幾月.真係唔捨得走.另外有台灣backpacker建議我係悉尼過聖誕同新年,因為好多活動,值得係年尾同年頭返黎.
之前聽係農塲工作三個月,就合資格申請second working holiday visa.睇睇官方網頁: have completed three months of seasonal work in regional Australia* .Regional Australia包括成個northern territory(NT), South Australia(SA) & Tasmania 等.Regional Australia Postcode List即係我係呢幾個地方做野夠三個月,咪可以申請2nd working holiday visa lor
沒有留言:
張貼留言