希臘 Day 8 火山島旅行團

一早揾老闆娘幫我地報今日個火山島團.因為懶得行落去舊碼頭old port, 兩程上落搭纜車又貴,我地報咗個包交通0既旅行團 Eu$25. 唔包交通,就 Eu$19.
酒店早餐勁大份. 每人一杯橙汁,一杯牛奶, 一杯咖啡,一份粟米片,一份蜜糖乳酪,蛋糕, 麵包,蛤蛋.無見過人可以食得晒,其實都好浪費.可能尋日冷親,我無乜胃口食野.

我地去到 main Square 等領隊,再帶我地去巴士站,坐旅遊巴去新港坐船.隻船去舊港上客後,出發火山島Nea Kameni. 火山島國家地理公園收每人 Eu$2.5 . 我地跟住領隊行.行咗陣,我嘔唔少黃膽水.

見到火山煙

跟住上船向温泉進發.船停低, 想浸温泉0既就要遊過去. 大家將泥漿塗到面同身上護膚. 會見到某0的位置有氣泡. 玩咗一陣, 船上開咪,叫大家游返去.我游到咁上下,男友拖我返船. 仲傻瓜瓜上錯咗隔離船.

最後0既景點係 Thirasia 島

返酒店, 我發燒,發冷發熱, 係咁瞓. 男友洗晒衫,執晒0的野.希望明天可以繼續行程.

Kenny's Album Day 7,8 

--> Day 9 Red Beach